Körneki suret. Foto: Nur.kz / Petr Karandaşov

Resmi mälimetke qarağanda, naurız ayında Qazaqstanda COVID (koronavirus pen onıñ pnevmoniyasın qosa alğanda) dertinen sırqattanğan 35 mıñday nauqas jäne 366 ölim jağdayı tirkelgen.

Taratıp aytsaq, koronavirus (U07.1 nemese KVI+)  jwqqan 33 423 jäne pnevmoniyağa (U07.2 nemese KVI-) şaldıqqan 1388 adam anıqtaldı. Sonımen birge, koronavirustan 300 adam, pnevmoniyadan 66 qaytıs boldı.

Köktemgi qarqın qayta ekpin ala bastadı. Ötken qıstıñ üş ayında (bıltırğı jeltoqsan ayında jäne biılğı qañtar-aqpan aylarında) 88 mıñ adam auırıp, 900-den asa pacient köz jwmdı. Toqsan künge sozılğan qıs mezgilindegi auırğandardıñ 81 mıñnan astamı koronavirus, qalğan 6,8 mıñı pnevmoniya pacientteri.

Bir ayda Almatıda 9,6 mıñnan asa nauqas tirkelip ülgerdi. Qalada naurız ayınıñ alğaşqı dekadasında täuligine jüzden kem emes jağday tirkeldi, 10-ınan beri bwl san eselep östi. Elde qañtar ayınıñ ekinşi jartısında jäne aqpan ayınıñ alğaşqı jartısında, naurızda nauqastar qatarı kürt köbeygen.

Sonday-aq, sırqattar köbeygen aymaqtar qatarında astana (6074) jäne Almatı (3090), Qarağandı (2401), BQO (2161), Aqmola (1785), Pavlodar (1605), Atırau (1564), Qostanay (1512) oblıstarı bar. Osı sebepti astana men Almatıda karantin şarası küşeytilip, üş aptadan beri «qızıl aymaqta» twr.

Naurız ayınıñ basında epidahual kürdele bastağannan-aq keybir sarapşılar halıqaralıq äue reysterin jii qabıldaytın Almatı qalasına şetelden jaña ştamm kelgen boluı mümkin dep boljağan edi. Swraq köbeygennen keyin ministr Aleksey Coy men qalanıñ bas sanitarı Jandarbek Bekşin genomdıq zertteu nätijesinde britandıq jäne oñtüstikafrikalıq ştamdar naqtı tirkelgenin mälimdegen. Keyinnen şeteldik ştamdar eldiñ 13 aymağınan anıqtalğanı aytıldı.

Ükimet deregine süyensek, biıl naurız ayında ölim körsetkişi de eleuli deñgeyde ösken. 1-i men 31-i aralığında 366 adam (KVI+ 300, KVI- 66) köz jwmğan.

Bıltır jeltoqsanda bas sanitar Erlan Qiyasov kezekti tolqınınıñ şarıqtau kezeñi qañtar-aqpan aylarına, al ministr Aleksey Coy naurız ayınıñ soñına qaray twspa-tws keletinin mälimdegen. Aqpan ayınıñ basında densaulıq saqtau vice-ministri Marat Şoranov säuir ayında 20 mıñğa tarta adam dert jwqtıruı mümkin degen. Naurızdıñ ortasında ministr säuir ayında täuligine 500 ben 1,7 mıñ aralığında nauqas tirkeledi dep boljağan. Ol osı aptanıñ beysenbisinde boljamın özgertip, aldağı üş ay boyı künine 1,5-4 mıñ sırqat tirkelui ıqtimal dedi.

Sonımen qosa, apta basında sanitarlıq-epidemiologiyalıq baqılau komitetiniñ törağası Ayjan Esmağambetova biıl qañtar jäne naurız aylarında 729 mıñ adam JRVI aurularımen auırğanın habarladı. Bwl bıltırğa qarağanda 2,4 esege kem.

Osı jılı qañtarda 34,5 mıñ, aqpanda 26,8 mıñ jäne naurız ayında 34,8 mıñ sırqat anıqtaldı. Bıltır naurız ayında nebäri 340 adam auırğan. Pandemiya jariyalanğannan büginge deyin nauqastardıñ eñ köbi 2020 jılı şildede 49 mıñnan asa adamğa virus jwqqan edi. Biılğı naurızdağı jağday bıltırğı tamızdan (41 mıñ keys) keyingi  üşinşi orınğa şıqtı.

Bıltır 13 naurızdan beri COVID-19 infekciyasın jwqtırğandar qatarı 249 mıñğa juıqtasa, 1 tamızdan bılayğı koronavirus pnevmoniyası 50,5 mıñnan asqan. DDSW derekqorı men Wlttıq statistikada Qazaqstanda auırğandar sanı 299,6 mıñğa jetken. Osı aralıqta jalpı virus jwqqandardıñ 5383-i (KVI+ / U07.1 – 3042, KVI- / U07.2 – 694, ilespe aurulardan – 1619) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 1619 adamdı jalpı statistikağa engizbeydi.

Qazaqstan virus taraluı boyınşa älemde Worldometers derekqorı, Djons Hopkins universiteti jäne DDSW tizimindegi 221 el men aymaqtıñ arasında 49-orında twr.

"The Qazaq Times"