Özbekstanda on jastağı qızdan koronavirustıñ britandıq jaña türi tabılğan. (Eskertu, fotodağı keyipkerdiñ atalğan nauqaspen qatısı joq). Foto: www.aa.com.tr

Britaniyada belgili bolğan koronavirustıñ jaña türi Özbekstanda anıqtaldı. Virustıñ bwl qauipti türi ata-anasımen birge Birikken Arab Ämirliginen wşıp kelgen on jastağı özbekstandıq qızdan tabılğan.

Özbekstan Densaulıq saqtau ministrliginiñ mälimetine qarağanda, elde koronavirusqa şaldıqqandardıñ jalpı sanı 78 mıñnan asqan. Soñğı täulikte 44 adam indetke şaldıqqan. Biraq, resmi mälimetterge sensek, özbek elinde virusqa şalıdaqqandardıñ şamamen 98 payızı jazılıp şıqqan. Qaza bolğandar sanı 634 adam.

Alayda, koronavirustıñ britandıq ştammı Özbekstannıñ DSM men ükimetin alañdatıp otır. Joğarıda atalğan nauqastan britandıq ştammnıñ bar ekeni turalı mälimet 30 qañtar küni tirkelgen. Nauqastı qaytalay tekseruden ötkizip, Britaniyada belgili bolğan koronavirustıñ qauipti jaña türiniñ bar ekenin tolıq twraqtandırğan.

Degenmen, Özbekstan DSM tarabı eldegi espidemiya jağdayınıñ twraqtı jäne baqılauda ekenin aytadı.

“The Qazaq Times”