Jeñis Qasımbek Qazaqstanda äue biletteri nege qımbat ekenin ayttı.

Prem'er-ministr orınbasarı Jeñis Qasımbek ükimet otırısında äue biletteriniñ şamadan tıs qımbat boluına baylanıstı pikir bildirdi. Onıñ sözinşe, jolauşılardıñ köptigi men äue kemeleriniñ az boluı saldarınan bilet qwnı qımbat.

«Bilet bağasınıñ qımbat boluı jolauşılar tasımaldaytın wşaqtardıñ swranıstı qanağattandıra almauında. Bağanı arzandatu maqsatında biılğı jıldıñ mamır ayında «Fly Arystan» kompaniyasın iske qostıq. Osı jıldıñ ayağına deyin olar jolauşılar tasımalın eki esege arttırmaq. Bwdan bölek ükimet pen «Samwrıq-Qazına» birlesip wşaqtar parkin keñeytu üşin «Air Astana» jäne «Qazaq Air» kompaniyaların qosımşa qarjılandırudı josparlauda» - dedi Qasımbekov.

Jıldıñ qay mezgili bolsa da bilet joq bolıp jatatın temir jol tasımalına baylanıstı vice-prem'er alıpsatarlarmen küres jürip jatqanın ayttı. Onıñ sözinşe, osı maqsatta qazir bilat satudı cifrlandıru jwmıstarı jürgizilip jatır jäne «Qazaqstan Temir Jolı» kompaniyası biıl qosımşa 100 vagon satıp aludı josparlauda.

"The Qazaq Times"