WQŞW 30 jıl. Mäskeude sammit ötude. Foto: Qazaq TV

 

Mäskeude Wjımdıq Qauipsizdik Şart wyımınıñ 30 jıldığına oray wyımğa müşe elderdiñ jetekşileri sammitte bas qosıp jatır. Sammit aldında Resey prezidenti Vladimir Putin prezidenttermen jeke-jeke kezdesu ötkizude. Ukrainadağı soğıs qarsañında ötip jatqan bwl jiın köptiñ nazarın audararı sözssiz. Onıñ üstine Ukraina Resey äskerin Har'kovten şegindirgeni turalı aqparattar tarap jatqan twsta, WQŞW elderi Resey jağınan küştep Ukraina soğısına tartılmay ma degen swraqtar alañdatuda.

Kezekti sammit turalı Mäskeudiñ resmi mälimdemesiniñ özinde wyım jetekşileriniñ bas qosuında Ukrainadağı soğıs da talqılanatını aytılğan. Qazir soğıs maydanındağı habarlardan, Ukraina äskerleriniñ aktivti poziciyağa ötkeni turalı mälimetter köp. Bwnday jağday WQŞW sındı äskeri-sayasi wyımnıñ müşesi bolğan Qazaqstan üşin de auır sınaqtardıñ jaqındap qalğanın körsetkendey.

Ukrainadağı jalpı jağdayğa qarağanda Resey ırıqsız orınğa tüsip qaldı, al bwl ürdis jalğassa Resey jelñilui de mümkin. Osığan baylanıstı Mäskeu WQŞW elderinen äskeri kömek swrauı da  ğajap emes. Biraq, Mäskeudiñ swrağan kömegin wyım müşeleri bere qoyuı neğaybıl, olar bwl soğıstıñ bolatını, qanday äreket etkeli otırğanı turalı Reseydiñ aldın ala wyım müşelerimen aqıldaspağanın alğa tartarı anıq. Onıñ üstine wyım şartında müşe elge sırttan şabuıl bolğan jağdayda ğana äskeri kömek beru qarastırılğan. Biraq, Resey özi şabuılğa wşırauşı el retinde scenariy wyımdastıruğa täjiribeli ekenin de eskeru kerek.

Eger WQŞW-nıñ qazirgi jağdayın bağalaytın bolsaq, 30 jıl bolğan wyım qazir kürdeli jağdaydı bastan keşirip jatır deuge boladı. Sebebi, wyımdağı negizgi bir el soğıs jağdayında twr. Bwl kezeñ wyımnıñ soğıstı qalamaytın özge müşeleri üşin qiındıqtar tudıradı.

Resey SİM tarabı kezekti sammit turalı resmi mälimdemesinde wyımnıñ qısqa uaqıt işinde köp jwmıstardı atqarğanın alğa tartıptı. Mälimdemede: «Müşe elderdiñ ortaq äreketi negizinde qauipsizdikke qatıstı mäselelerdi ortaq şeşetin, tolıq äri efektivti qwrılım tüzip şığarıldı. Wyım qazir öñirlik qauipsizdik pen twraqtılıqtıñ senimdi kepiline aynaldı», – degen. Resey sırtqı ister vedomstvoları öz mälimdemesinde wyımnıñ efektivtiligin körsetu maqsatında Qañtar oqiğası kezinde Qazaqstanğa wyım küşteriniñ kirgenin alğa tartıp jatır. Bwl da bolsa mañızdı şeşimderdi qabıldauda bizge ülken qiındıqtar tudırarı sözsiz.

The Qazaq Times