جەڭىس قاسىمبەك قازاقستاندا اۋە بيلەتتەرى نەگە قىمبات ەكەنىن ايتتى.

پرەمەر-مينيستر ورىنباسارى جەڭىس قاسىمبەك ۇكىمەت وتىرىسىندا اۋە بيلەتتەرىنىڭ شامادان تىس قىمبات بولۋىنا بايلانىستى پىكىر ءبىلدىردى. ونىڭ سوزىنشە، جولاۋشىلاردىڭ كوپتىگى مەن اۋە كەمەلەرىنىڭ از بولۋى سالدارىنان بيلەت قۇنى قىمبات.

«بيلەت باعاسىنىڭ قىمبات بولۋى جولاۋشىلار تاسىمالدايتىن ۇشاقتاردىڭ سۇرانىستى قاناعاتتاندىرا الماۋىندا. باعانى ارزانداتۋ ماقساتىندا بيىلعى جىلدىڭ مامىر ايىندا «Fly Arystan» كومپانياسىن ىسكە قوستىق. وسى جىلدىڭ اياعىنا دەيىن ولار جولاۋشىلار تاسىمالىن ەكى ەسەگە ارتتىرماق. بۇدان بولەك ۇكىمەت پەن «سامۇرىق-قازىنا» بىرلەسىپ ۇشاقتار پاركىن كەڭەيتۋ ءۇشىن «Air Astana» جانە «Qazaq Air» كومپانيالارىن قوسىمشا قارجىلاندىرۋدى جوسپارلاۋدا» - دەدى قاسىمبەكوۆ.

جىلدىڭ قاي مەزگىلى بولسا دا بيلەت جوق بولىپ جاتاتىن تەمىر جول تاسىمالىنا بايلانىستى ۆيتسە-پرەمەر الىپساتارلارمەن كۇرەس ءجۇرىپ جاتقانىن ايتتى. ونىڭ سوزىنشە، وسى ماقساتتا قازىر بيلات ساتۋدى تسيفرلاندىرۋ جۇمىستارى جۇرگىزىلىپ جاتىر جانە «قازاقستان تەمىر جولى» كومپانياسى بيىل قوسىمشا 100 ۆاگون ساتىپ الۋدى جوسپارلاۋدا.

"The Qazaq Times"