CECC-tiñ Memlekettik departamentke joldağan hatı. Foto: SESS resmi saytı

AQŞ Şıñjağdağı jağdayğa baylanıstı Qazaqstanğa pana izdey kelgen qandastardıñ mäselesine aralasuı mümkin. AQŞ Korngresiniñ qos partiyalı organı Memlekettik departamentke osığan sayatın ötiniş joldadı.

Qıtay isi boyınşa Kongress-atqaru komissiyasınıñ (CECC) eki birdey törağısı AQŞ Memlekettik departamentine hat joldap, Qazaqstan, Saud Arabiyası jäne Marokko elderinen pana izdegen wyğırlar men qazaqtardıñ isine diplomatiyalıq jolmen ıqpal etudi swradı. Bwl turalı komissiyanıñ resmi saytı mälimdedi.

Memleket hatşı Antoni Blinkenniñ (Anthony Blinken) atına hat jazıp jürgen atalmış komissiyanıñ Jeff Merkli jäne Jeyms P. MakGovern attı demokrat törğaları. Olar hatında  bwl pana izdeuşilerdi Qıtayğa qaytaru halıqaralıq qwqıqtı bwzatının, oğan qosa qaytarılğan jağdayda olardıñ negizsiz qamalu, azaptalu qaupiniñ bar ekenin aytqan. Sonday-aq, pana izdeuşilerdi Qıtayğa qaytaru mümkindigi bar elder qatarında Saud Arabiyası, Marokko elderimen qatar Qazaqstandı da atağan.

Komissiya törağaları hatında Memlekettik departament basşısınan qazaqstandıq şeneunikterden "osı alañdatarlıq mäseleni rastaytın qosımşa mälimetter swraudı, äri  "Şıñjañdağı genocid pen adamzatqa qarsı qılmıstardı eskere otırıp" atalğan elderdegi pana izdeuşilerdiñ Qıtayğa qaytarılmauına diplomatiyalıq jolmen äser etuge şaqıradı.

The Qazaq Times