Wlttıq wlan sarbazı Şayswltan Aqjol jäne auğan soğısınıñ ardageri Abılay Hizmetov. Almatı. İle audanı, Qaraoy auılındağı Idırıs Noğaybaev atındağı № 18 orta mektep.

Ötken jıldıñ mausım ayında Aqtöbede bolğan terroristermen betpe-bet kelgen qarulı şabuılğa tabandılıqpen tötep bergen jigerli sarbaz, bügingi küni Wlttıq wlannıñ «Oñtüstik» öñirlik qolbasşılığına qarastı 7552 äskeri böliminde kelisimşart boyınşa qızmet etetin efreytor Aqjol Şayswltanğa, ol özi oqıp, bilim alğan Almatı oblısı, İle audanı, Qaraoy auılındağı Idırıs Noğaybaev atındağı № 18 orta mektebiniñ wstazdar wjımı men oquşıları qwrmet körsetti.

Küni keşe ğana tülek qıp, qanat qaqtırıp wşırğan altın wya mektebine omırauına medal' tağıp, batır bop oralğan Aqjoldı wstazdarı saltanattı türde qarsı aldı. Kezdesu barısında şäkirtine degen ıstıq ıqılastarın jaudırıp, sın sağatta moyımay, Otan aldında bergen antına berik bolğanı üşin alğıstarın aytıp jattı.

Şayswltan Aqjol jäne Almatı oblısı, İle audanı, Qaraoy auılındağı Idırıs Noğaybaev atındağı № 18 orta mektebiniñ wstazdar wjımı men oquşıları

Mektep direktorınıñ tärbie isi jönindegi orınbasarı Güljanar Negimetova oquşılar qauımına Aqjoldıñ oquşı kezindegi oqu ülgerimi, ülgili tärbiesi jäne joldastıqtı bağalaytın qasieti turalı estelikter aytıp, şäkirtimen maqtanatının jetkizdi.

Öz kezeginde qaharman wl Aqjol Erswltanwlı mektep oquşılarımen patriottıq taqırıpta äñgime örbitti. «Otan» degen sözdiñ otbasınan, mektep partasınan bastau alatının payımdap, üydegi ata-anası men mekteptegi wstazdarınıñ bergen tälim-tärbiesiniñ arqasında osınday därejege jetkendigin ayttı. Keş barısında oquşılar da swraqtarın qoyıp jattı. Olardıñ basım böligi Aqtöbede bolğan qandı oqiğa jaylı, sarbazdardıñ ölim men ömir ortasında qorıqpay körsetken tabandılığı ayasında boldı. Äsirese, Aqjoldıñ sol küni erlikpen qaza tapqan qarulas dosı Dosbol Saparmen birge äskeri jasaqqa tüsip, qandıqol lañkesterdiñ qarulı tobına alğaş qarusız betpe-bet kelip, äskeri bölimdegi qaru-jaraq pen oq-därilerdi saqtaytın qoymalardıñ qayda ornalasqanın aytpay, qwpiyaların aşpağanı jaylı äñgimeleri öte äserli boldı. Oquşılar tırp etpesten wyıp tıñdadı. Öz sözinde Aqjol: «Men ömirimde bwnday oqiğamen alğaş ret betpe-bet keldim. Swstarı suıq, qarulı lañkester tobı eşkimdi ayamaytını belgili. Olardıñ bizge qaru kezengeninde azdap qorqınış ta bolğanı ras. Biraq biz jigerimizdi sındırmadıq, ayağına deyin kürestik, jeñdik te! Öytkeni olar dittegen maqsattarına jete almadı. Bwl jerde Dosbol Sapardıñ erligin erekşe ayta ketken jön. Ol - nağız er. Ol öz antına adal boldı. Öz ömirin Otanınıñ tınıştığı üşin jan pida etti. Azat eldiñ wldarı, mine osınday bolsa kerek. Men sol küngi oqiğanı, qandı küreste opat bolğan qarulas dosım Dosboldı eşqaşan wmıtpaymın, öytkeni erlik eşqaşan da wmıtılmauı tiis!» - dep, ağınan jarıldı. Oquşılar tarapınan «Jaraysıñ Aqjol!», «Sen nağız batırsıñ!» degen dauıstar da estilip jattı.

Wlttıw wlan sarbazı Şayswltan Aqjol jäne Almatı oblısı, İle audanı, Qaraoy auılındağı Idırıs Noğaybaev atındağı № 18 orta mektebiniñ wstazdar wjımı men oquşıları

İs-şara barısında mektep direktorınıñ oqu isi jönindegi orınbasarı Aysara Raspekova oqıtqan wstazdarın jerge qaratpay, mektep abıroyın ösirgen Aqjolğa mektep direktorı Aygül Ualibaevanıñ atınan Alğıs hatın wsındı.

Osı öñirdegi öskeleñ jastarğa ünemi patriottıq-tanımdıq ösietterin däriptep jüretin auğan soğısınıñ ardageri Abılay Hizmetov aytulı is-şarağa arnayı kelip, sol küngi sarbazdardıñ körsetken qaysarlıqtarın nağız erlikke baladı. Osınday otanşıl wrpaqtıñ ösip kele jatqanın maqtanışpen aytıp, Auğan soğısı ardagerleri qauımdastığınıñ atınan «Armiya generalı Sağadat Nwrmağambetov» atındağı medaldi Aqjoldıñ omırauına taqtı.

«The Qazaq Times»