31 mamır küni tüsten keyin Aqtöbedegi "Jolauşılar avtokölik käsipornınıñ" jürgizuşileri men konduktorları jwmıstan parkke oralıp, narazılıqqa şıqtı. Bwl jaylı Azattıq radiosı habarladı.
Azattıqtıñ jazuına qarağanda, jwmısqa şığudan bas tartqan jüz şaqtı adam jolaqısı 150 teñge bolğalı Aqtöbede jolauşı tasımalı qiındap ketkenin aytqan.
"Büginnen bastap Aqtöbede jol aqısı qolma-qol aqşamen tölegen jağdayda - 150 teñge, kölik kartaların qoldanuşılar üşin - 80 teñge. Kartası joq jolauşılar 150 teñge tölegisi kelmeydi. Qolma-qol aqşanıñ bolmauı avtobus jürgizuşileri üşin de qiın. Öytkeni konduktordıñ aylığın jürgizuşi öz qaltasınan töleydi. "Käsiporın" konduktorlardı ştatqa almay otır. Odan bölek qosalqı bölşekke de aqşa bermeydi. Köşede jolauşı tasıp jürgen avtobustan bwzılıp parkte twrğanı köp. Bwdan äri bwlay jwmıs istey almaymız" dedi jürgizuşilerdiñ biri Ruslan Dosmämbetov.
"Jolauşılar avtokölik käsipornı" avtobus jürgizuşileriniñ eñbekaqısın kündik jospardıñ orındaluına qaray töleydi. Köligi bwzılıp, jospardı orınday almağan jürgizuşilerdiñ basım köpşiligi säuirde 30-40 mıñ teñge jalaqı alğanın aytadı.
"Jolauşılar avtokölik käsipornı" direktorı Quanışqali Ğwbaydullin jwmısqa şığudan bas tartqan jürgizuşiler men konduktorlardı sabırğa şaqırıp, kompaniyanıñ qarjılıq jağdayı qiın ekenin aytaqan. Biraq sözine eşkim qwlaq aspay qoydı. Avtobustarın qañtarıp qoyğan jwmısşılar erteñ de narazılıqtarın jalğastıratındarın ayttı.
Ertaev qayta qamalğan küz: Raqımşılıq «zañsızdıq järmeñkesine» aynaldı ma?
Talğar tragediyası: Qızılqayrattağı qılmısqa qatıstı jeti is qozğaldı
Qızılordadağı №60 mekemeden hat: Qamaudağı Duman Mwhametkärim qauipsizdik swraydı
Talğardağı qandı oqiğa: İİM-ge joldanğan saual jäne qoğam kütken jauap
Talğarda tağı da qandı oqiğa. Policiyanıñ jauapsızdığı ma, jüyelik dağdarıs pa?
Qayrat Qojamjarovqa qatıstı tergeu: Nazarbaev däuiriniñ ıqpaldı şeneunigine kezek keldi