Foto: .tengrinews.kz

İşki ister ministrligi Qarağandıda bolğan oqiğağa baylanıstı mälimdeme jasadı.

İşki ister ministriniñ orınbasarı Janat Süleymenov jeltoqsannıñ 31-inen qañtardıñ 1-ine qarağan tüni Qarağandı qalasında bolğan oqiğağa baylanıstı mälimdeme jasadı.

«Tergeu jwmıstarı barısında qonaqtar tarapınan 14 adam jäne meyramhana personalı tarapınan 9 adamnıñ töbeleske qatısqanı anıqtaldı. Eger sizder fotosuretten bayqasañızdar, meyramhana aumağı men zalı ülken territoriyağa ie. Sol küni meyramhanada 400-ge juıq adam bolğan. Tüngi üşte olar meyramhananı jabadı. Tüngi sağat törtte qonaqtarğa meyramhananıñ jabılatını jöninde eskertilgen. Däl osı eskertu töbelestiñ bastaluına sebep bolğan. Osıdan keyin qonaqtar men personal ökilderi sözge kelispey qalğan. Bwnıñ artı jappay töbeleske wlasqan» - dedi Süleymenov.

Esteriñizge salayıq, qañtar ayınıñ 1-i küni Qarağandı qalasındağı «Ejelgi Rim» meyramhanasında armyan etnosı men qazaqtar arasında kikiljiñ bolıp, 1 adam köz jwmğan. Osıdan keyin İİM töbeleske qatısı bar degen küdikpen 8 adamdı qamauğa alıp, negizgi küdikti Gururyan Narekke halıqaralıq  izdeu jariyalağan.

"The Qazaq Times"