Soñğı uaqıtta Resey nömirindegi kölikter taqırıbı qoğamdıq talqınıñ eñ negizgi taqırıbına aynaldı. Osığan baylanıstı bas prokurordıñ orınbasarı Äset Şındaliev öziniñ pikirin bildirgen.

Äset Şındaliev eñ aldımen bwl kölikterdiñ qazaqstandıq kölik emes ekenin basa eskertti jäne olardıñ arasında izdeude nemese qılmısqa qatıstı kölikterdiñ de bar ekenin alğa tartqan.

«Men bwl mäselemen aynalıspaymın. Sizder sekildi men de ol jaylı bwqaralıq aqparat qwraldarınan ğana bilip otırmın. Bileuimşe, İİM qazir ol ispen aynalısıp jatır. Eñ qiını, bwl jerde kölikterdi tirkeude ğana emes, ol kölikterdiñ bir böliginiñ izdeude jürgendiginde, tipti birazı esepten şığarılıp, bizge tirkelmegen», – deydi Ä.Şındaliev pikirinde.

Bwğan qosa bas prokurordıñ orınbasarı: «Arasında qılmısqa qatıstısı, tirkelgeni, wrlanğanı deysiz be – bäri bar. Olarğa nömir tağa salğan da jüre ergen. Bwl kölikterdi teuip jwrgender jağınan bwl zañsız. Bärimiz de zamattarmız, zañğa bağınuımız kerek. Eger zañ boyınşa kölikti tirkeu bizge mindetti bolsa, tirkeluimiz kerek. Sizdiñ de, bizdiñ de amandığımız üşin tärtip solay boluı tiis», – degen Äset Qazaqbaywlı.

Resey nömirindegi kölikteri bar qazaqstandıq azamattar är jerde İİM tarabınıñ qısımına narazılıqtarın bildirip jatır. 8 qaraşada el astanasında ondağan azamat qısımdı toqtatıp, zañdastırıp berudi, kölikterin ayıppwl twraqtarınan şığarudı talap etken edi. Al, 9 qaraşada Aqtöbe qalasında jüz şaqtı jürgizuşi wqsas talappen «Nwr-Otan» partiyası ğimaratınıñ aldında jinalğan bolatın.

The Qazaq Times