ىشكى ىستەر مينيسترلىگى قاراعاندىدا بولعان وقيعاعا بايلانىستى مالىمدەمە جاسادى.
ىشكى ىستەر ءمينيسترىنىڭ ورىنباسارى جانات سۇلەيمەنوۆ جەلتوقساننىڭ 31-ىنەن قاڭتاردىڭ 1-ىنە قاراعان ءتۇنى قاراعاندى قالاسىندا بولعان وقيعاعا بايلانىستى مالىمدەمە جاسادى.
«تەرگەۋ جۇمىستارى بارىسىندا قوناقتار تاراپىنان 14 ادام جانە مەيرامحانا پەرسونالى تاراپىنان 9 ادامنىڭ توبەلەسكە قاتىسقانى انىقتالدى. ەگەر سىزدەر فوتوسۋرەتتەن بايقاساڭىزدار، مەيرامحانا اۋماعى مەن زالى ۇلكەن تەرريتورياعا يە. سول كۇنى مەيرامحانادا 400-گە جۋىق ادام بولعان. تۇنگى ۇشتە ولار مەيرامحانانى جابادى. تۇنگى ساعات تورتتە قوناقتارعا مەيرامحانانىڭ جابىلاتىنى جونىندە ەسكەرتىلگەن. ءدال وسى ەسكەرتۋ توبەلەستىڭ باستالۋىنا سەبەپ بولعان. وسىدان كەيىن قوناقتار مەن پەرسونال وكىلدەرى سوزگە كەلىسپەي قالعان. بۇنىڭ ارتى جاپپاي توبەلەسكە ۇلاسقان» - دەدى سۇلەيمەنوۆ.
ەستەرىڭىزگە سالايىق، قاڭتار ايىنىڭ 1-ءى كۇنى قاراعاندى قالاسىنداعى «ەجەلگى ريم» مەيرامحاناسىندا ارميان ەتنوسى مەن قازاقتار اراسىندا كيكىلجىڭ بولىپ، 1 ادام كوز جۇمعان. وسىدان كەيىن ءىىم توبەلەسكە قاتىسى بار دەگەن كۇدىكپەن 8 ادامدى قاماۋعا الىپ، نەگىزگى كۇدىكتى گۋرۋريان نارەككە حالىقارالىق ىزدەۋ جاريالاعان.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى