foto: qazaqtimes.com

Almatı qalasındağı Narhoz Universitetinde äleumettik jağdayı tömen otbasılardıñ balalarına arnalğan «We Art» şığarmaşılıq ortalığı aşıldı. Bolat Ötemwratov qorınıñ qoldauımen iske asırılğan jobanıñ bastı maqsatı ata-anasınıñ qamqorlığınsız nemese qiın qarjılıq jağdayda qalğan jigerli jastarğa bilim beruge, balalar üyi tülekteriniñ şığarmaşılıq bilim aluına, mamandıqqa ie boluına jäne öz talanttarın jüzege asıruına mümkindik beru.

70-ke juıq şäkirttiñ bilim aluına mümkindik beretin ortalıqta, büginde 30-ğa juıq jas öz täjiribiesin şıñdauda. Qazirgi tañda mwnda negizinen orıs tildi jastardıñ köptep bilim alula. Osığan baylanıstı mamandar qazaq tilinde özin damıtqısı keletin jastardı da mwnday jobadan tıs qalmauğa şaqıradı.

«We Art» şığarmaşılıq ortalığında jastarğa kamera, telefon jäne studiyada qalay jwmıs isteu kerektigin tek qazaqstandıq mamandar ğana emes, şet eldik mamandar da üyretedi. Sonımen qatar dizaynerlerge de beriletin mümkindik jeterlik.

Büginde statistika boyınşa, elimizde 84 mıñ jas «eki qolğa bir kürek» tappay jür. Mwnday körsetkiştiñ tım joğarı ekendigine Narhoz universiteti rektorınıñ strategiyalıq damu isteri boyınşa orınbasarı Viktoriya Caydıñ öz oyı bar.

«Jwmıssızdıqtıñ bwl körsetkişi qazaqstandıq jastardıñ arasında qılmıstıñ ösuine alıp keledi. Jwmıspen qamtılatınına közi jetpeytin jäne ömirge beyimdelmegen jasöspirimder qılmıs jolına tüsedi. Darındı balalar damu mümkindikteriniñ joqtığına baylanıstı qoğamda adasuı mümkin» - dep esepteydi Viktoriya Cay.

"The Qazaq Times"