الماتى قالاسىنداعى نارحوز ۋنيۆەرسيتەتىندە الەۋمەتتىك جاعدايى تومەن وتباسىلاردىڭ بالالارىنا ارنالعان «We Art» شىعارماشىلىق ورتالىعى اشىلدى. بولات وتەمۇراتوۆ قورىنىڭ قولداۋىمەن ىسكە اسىرىلعان جوبانىڭ باستى ماقساتى اتا-اناسىنىڭ قامقورلىعىنسىز نەمەسە قيىن قارجىلىق جاعدايدا قالعان جىگەرلى جاستارعا ءبىلىم بەرۋگە، بالالار ءۇيى تۇلەكتەرىنىڭ شىعارماشىلىق ءبىلىم الۋىنا، ماماندىققا يە بولۋىنا جانە ءوز تالانتتارىن جۇزەگە اسىرۋىنا مۇمكىندىك بەرۋ.
70-كە جۋىق شاكىرتتىڭ ءبىلىم الۋىنا مۇمكىندىك بەرەتىن ورتالىقتا، بۇگىندە 30-عا جۋىق جاس ءوز تاجىريبيەسىن شىڭداۋدا. قازىرگى تاڭدا مۇندا نەگىزىنەن ورىس ءتىلدى جاستاردىڭ كوپتەپ ءبىلىم الۋلا. وسىعان بايلانىستى ماماندار قازاق تىلىندە ءوزىن دامىتقىسى كەلەتىن جاستاردى دا مۇنداي جوبادان تىس قالماۋعا شاقىرادى.
«We Art» شىعارماشىلىق ورتالىعىندا جاستارعا كامەرا، تەلەفون جانە ستۋديادا قالاي جۇمىس ىستەۋ كەرەكتىگىن تەك قازاقستاندىق ماماندار عانا ەمەس، شەت ەلدىك ماماندار دا ۇيرەتەدى. سونىمەن قاتار ديزاينەرلەرگە دە بەرىلەتىن مۇمكىندىك جەتەرلىك.
بۇگىندە ستاتيستيكا بويىنشا، ەلىمىزدە 84 مىڭ جاس «ەكى قولعا ءبىر كۇرەك» تاپپاي ءجۇر. مۇنداي كورسەتكىشتىڭ تىم جوعارى ەكەندىگىنە نارحوز ۋنيۆەرسيتەتى رەكتورىنىڭ ستراتەگيالىق دامۋ ىستەرى بويىنشا ورىنباسارى ۆيكتوريا تسايدىڭ ءوز ويى بار.
«جۇمىسسىزدىقتىڭ بۇل كورسەتكىشى قازاقستاندىق جاستاردىڭ اراسىندا قىلمىستىڭ وسۋىنە الىپ كەلەدى. جۇمىسپەن قامتىلاتىنىنا كوزى جەتپەيتىن جانە ومىرگە بەيىمدەلمەگەن جاسوسپىرىمدەر قىلمىس جولىنا تۇسەدى. دارىندى بالالار دامۋ مۇمكىندىكتەرىنىڭ جوقتىعىنا بايلانىستى قوعامدا اداسۋى مۇمكىن» - دەپ ەسەپتەيدى ۆيكتوريا تساي.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
"24+1". قاندى قاڭتاردىڭ ونلاين & وفلاين سوتتارى قالاي ءوتىپ جاتىر؟
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى