Jañaözen jigitteri mwnay käsiporındarınan qosımşa jwmıs ornın aşudı swradı. 20 qañtar 2019 jıl. Foto: aşıq derekköz

20 qañtar Jañaözen qalasınıñ jwrtı jergilikti äkimdik aldına jinalıp, twrğındardı twraqtı jwmıs orındarımen qamtamasız etudi talap etti. 200-ge juıq azamat aymaqtağı mamandanğan sala mwnay käsiporındarına jaña vakansiya aşuın swraydı.

– Biz mwnda twraqtı jwmıstıñ joqtığınan jinaldıq. Barlığı qımbattap jatır: azıq-tülik, gaz... bäri qımbat. Jañaözen jwmıssızdıq boyınşa birinşi orında. Joğarı jaqtan şeşpese, bolmaydı. Künnen-künge uşığıp baradı. Halıqtıñ jağdayı mäz emes. Bizge twraqtı jwmıs kerek, – deydi narazılar.

Narazılardıñ biri Nwrswltan Nwrımov Azattıqqa bergen komentariyinde:

– Bwl – twrğındar jwmıs talap etken biılğı alğaşqı jiın. Bıltır Jañaözen twrğındarı twraqtı jwmısqa twrğızuğa kömektesudi swrap, äkimdikke birneşe ret barğan, biraq nätijesiz ayaqtalğan. ...Soñına deyin baramız. 2019 jılı da osınday uädeler berilgen, biraq odan mäsele şeşilmedi. Tağı da jinalamız, talap ete beremiz, – deydi.

Onıñ aytuınşa, äkim orınbasarı narazı köpşilikti qabıldap, mäseleni bir ay köleminde qarastıratının mälimdegen. Degenmen jinalğandar şeneunik sözine köñili tolmay, talabı jüzege asqanşa jinala beretinin jetkizgen. Al jergilikti bilik bwğan «qazir qalada mwnay käsiporındarında bos orın joq, biraq jwmıssız twrğındardı memlekettik mekemeler men servis käsiporındarına twrğızuğa tırısatının» habarlağan.

Qoljetimdi aqparattarğa qarağanda, Jañaözen qalası men irgeles birdi-ekili eldi mekenderdi qosa eseptegende, öñirde 151 mıñğa juıq adam twradı.

Eldiñ eñ reakciyaşıl aymağı mwnaylı ölke bolğanına qaramastan, twrğındardıñ äleumettik jağdayı men jwmıssızdıq mäselesi şeşim tabar emes. Bıltır jıl basında da jañaözendik jastar prezidentke deyin ündeu joldap, jwmıs orındarın aşudı swrağan. On şaqtı ret talap jiının ötkizgen. Keyinnen narazılardıñ erekşe közge tüsken belsendisi juırda ğana otbası qwrğan, twrmısı müşkil Erjan Elşibaevtı bıltır qazanda sot «bwzaqılıq» jäne «jaraqattau» ayıbımen 5 jıl bas bostandığınan ayırdı. Al qwqıq qorğauşılar onı sayasi twtqın qatarına engizgen. Qazaqstanda ädette qandayda bir qarsılıq akciyanıñ belsendileri artınşa ärtürli ayıptarmen sotta jii jauapqa tartılıp jatadı.

"The Qazaq Times"