Täşkentte 50-den astam memleket pen halıqaralıq wyımnıñ jetekşileri jäne ökilderi bas qostı. Foto: VOA,

Ötken aptada özbek basşısı sauın aytıp, birqatar eldiñ ökilderin Täşkentke jinağan bolatın. Olar eki kün boyı Orta Aziya men Oñtüstik Aziyanıñ sauda-ekonomikalıq, tranzittik mümkindikterin talqıladı. Nätijesinde, Özbekstannıñ Ortalıq jäne Oñtüstik Aziyanıñ sauda jüyesin işki jäne halıqaralıq sauda jüyesin twtastıru turalı jobası älemniñ nazarın özine audardı.

Resey, Qıtay, AQŞ jäne Europa Odağı qatarlı 50-den astam el men halıqaralıq wyımdardıñ ökilderi qatısqan şaranıñ auqımdılığı turalı aytudıñ özi artıq. Bwl tipti Ortalıq Aziyada ötken ekonomikalıq integraciyalardı alğa jıljıtu boyınşa eñ ülken halıqaralıq konferenciyanıñ biri bolıp qaldı.

Prezident Ş.Mirzieev mälimdemesinde Özbekstannıñ bastı mindeti –körşiles eldermen qatınastı nığaytu ekenin basa belgiledi. Sonday-aq, öz elin «özara tiimdilik negizindegi ıntımaqtastıqqa müddeli, kelisimge adal, tawraqtı äri senimdi memleket» dep körsetti.

Şarağa qatısqan Tehas A&M universitetiniñ ğılımi qızmetkeri Eduard Lemonnıñ aytuınşa Mirzieevtıñ «belsendi sırtqı sayasatı» saudanı keñeytuge, trans-şekaralıq tasımaldı aşuğa kömektese aladı. Degenmen, kürdeli Auğanstan jağdayın qosa qamtığan aymaqtıñ işki mäselelerine basa nazar audaruğa tura keletinin eskertken.

BWW bas hatşısı da Özbekstannıñ bwl bastamasın belsendi qoldaytının, sebebi bwl bastamalar sauda baylanısın damıtıp, ösu jäne twraqtı damuğa mümkindik beretinin aytqan. Guterriş öziniñ video mälimdemesinde: «Baylanıs tek ekonomikağa ğana emes, aymaq ıntımaqtastığın alğa jıljıtıp, körşiles elderdiñ dostıq qarım-qatınasın küşeytedi. Sonday-aq, bwl bastama Auğanstandağı beybitşilik pen damudı qoldau belsendiligin arttıradı, osı bağıttağın wjımdıq jwmıstıñ mañızın da arttıra tüsedi», – degen senimin bildiripti.

Täşkendegi şarağa tälipterdiñ barğan sayın artıp kele jatqan şabuıl qaupine qaramastan Auğanstan prezidenti Aşraf Ğani da wşıp jetken. Ol konferenciyada Auğanstandağı qayşılıqtı sayasi jolmen şeşu wlttıq basımdılıq bolatının basa aytqan, soğan qosa egemendi, birtwtas, beybit jäne demokratiyalı Auğanstandı halıqaralıq qauımdastıqqa qosa, aymaq elderi de moyındaytının tağı bir ret qaytalağan.

Bwdan özge de elder men halıqaralıq wyım basşıları Täşkenttegi konferenciyada aymaqtıñ geosayasi tınıs, Auğanstan mäselesi, alıp aymaqtı twtastıru boyınşa bastamanıñ mañızı men kezdesui mümkin qiındıqtarı turalı oyların ortağa salğan. Bir sözben aytqanda Täşkenniñ kezekti bastaması Orta Aziyanıñ aymaqtıñ jobası, Oñtüstik Aziyamen jalğasqan qwrlıqtıñ mañızı bar joba retinde älemniñ nazarın audardı. Oğan qosa bwl jağdaylar Özbekstandı aymaqtıñ liderlik orınğa wmtılğan memleket retinde äygiley bastadı.

“The Qazaq Times”