Qadirli Şerağamen qoştasu räsimi. Foto: QT

Bügin, 11 qazan küni Almatı qalasındağı M. Äuezov teatrında Alaştıñ ardaqtı wlı, qazaqtıñ birtuar perzentteriniñ biri, Qazaqstannıñ halıq jazuşısı, Memlekettik sıylıqtıñ iegeri, qoğam qayratkeri Şerhan Mwrtazanı aqtıq saparğa şığarıp salu azalı jiını ötti.

Äkim-qaralar arqwmnıñ otbasına, tuğan tuısına köñil ayttı.

Qoştasu räsimin Qazaqstan Jazuşılar odağınıñ törağası Wlıqbek Esdäuletov bastap aşıp, alğaşqı qoştasu sözin QR mädeniet ministri Arıstanbek Mwhamediwlına berdi. Azalı jwrtqa köñil aytqan Mwhamediwlı prezidenttiñ köñil aytu jedel hatın oqıdı.

Prezidenttiñ köñil aytu jedel hatı oqıldı.

Hatta: «Halqımızdıñ süyikti perzenti Şerhan Mwrtaza bükil ğwmırın elimizdiñ örkendeuine, töl mädenietimiz ben ädebietimizdiñ damuına arnağan birtuar azamat edi. Wlt ruhaniyatında özindik qoltañbası bar zañğar jazuşı soñına mol mwra, öşpestey eñbegin qaldırdı. Ol qazaqtıñ mwñın mwñdap, joğın joqtağan nar twlğalı qalamger, darındı qoğam qayratkeri boldı. Şerhan Mwrtaza qazaq jurnalisteriniñ birneşe buının tärbielegen, wlttıq baspasözdiñ biik bäyteregi edi....  Biz memlekettiñ irgesin qalağan jıldarda da janımda jürip, eldiktiñ köptegen isine zor üles qostı. Şerhan Mwrtazanıñ qazaq ruhaniyatındağı ornı men jarqın beynesi eşqaşan wmıtılmaydı dep senemin. Marqwmnıñ topırağı torqa, imanı salamat bolsın», – delingen.

Qoştasu sözderin söyledi.

Azalı jiında Almatı qalasınıñ äkimi Bauırjan Baybek, Jambıl oblısınıñ äkimi Asqar Mırzahmet, QR Energetika ministri Qanat Bozımbaev, Parlament mäjilisiniñ deputatı Sauıtbek Äbdirahmanwlı, aqın, Memlekettik sıylıqtıñ iegeri N. Orazalin jäne marqwmnıñ tuıstarı atınan akademik Orazalı Säbden qatarlılar qoştasu sözin söylep, qayğılı jwrtqa köñil ayttı.

Şerhan Mwrtazanıñ qalamdas ağası Äbdijämil Nwrpeyisov dos ininiñ qazasına qayğırıp, wzaq twrdı. Foto: QT.

Qazağa qayğırğan Marqwmnıñ balalarına, tuğan-tuısına el jwrtına QR prem'er-ministri Baqıtjan Sağıntaevtan, Senat törağası Qasımjomart Toqaevtan, Parlament Mäjilisiniñ törağası Nwrlan Nığımatulinnen, memlekettik hatşı Gülşara Nauşaqızınan, Nwr Otan partiyasınıñ törağasınıñ birinşi orınbasarı Mäulen Äşimbaevtan, Qazaqstannıñ Reseydegi tötenşe jäne ökiletti elşisi Imanğali Tasmağambetovten, sonday-aq, sonau türik elinen Euraziya Jazuşılar odağınan, «Türiksoy» wyımınan, Osıman Türik Akademiyasınan basqa da köptegen eldermen qoğamdıq wyımdardan köñil aytu hattarı kelip jetken.

Qayğılı jwrt aza bildirdi.

«Namıstıñ nayzağayı», şındıqtıñ şıraqşısı atalğan nar twlğa Şerhan Mwrtazamen qoştasuğa kelgen äleumet teatr zalın toltırıp, küñirengen jwrt wlttıñ wlağattı twlğasın aqtıq saparğa şığarıp saldı.

Marqwmnıñ wlı denesimen qoştasu.

Marqwmnıñ süyegi Alatau bauırına jerlendi.

Alatau wlı perzentin baurına tarttı.

Orını tolmas qazağa redakciyamız atınan barşa qazaqqa qayğıra otırıp köñil aytamız! Beyişte nwrıñ şalqısın, topırağıñ torqa bolsın, Şerağa!

“The Qazaq Times”