Foto: ria.ru

Resey skleroz auruına şaldıqqandar üşin birinşi preparattarın  jasap şığardı. «Ksemus» atalatın däri narıqqa üş jıldan keyin, yağni 2020 jıldan keyin ğana satılımğa şığuı mümkin. Oğan  deyin   klinikalıq zertteulerdiñ barlıq kezeñderinen ötkizilui qajet. Bwl turalı (IBHRAN) Bioorganikalıq himiya Institutınıñ direktorınıñ orınbasarı, akademik Aleksandr Gabibovtıñ sözine silteme jasap, Ria.ru habarlaydı.

«Autoimmundıq aurulardı dwrıs emdemeytin bolsa, qaterli (onkologiyalıq) isik payda boladı. Al onday uşıqqan kezinde emdeu öte qiın, tipti mümkin emes. Autoimmundıq aurulardıñ işine neyrodegenerativti qabınatın skleroz da bar», – deydi Gabibov.

Onıñ aytuınşa, qazir sklerozdı emdeytin däri-därmekter az, bar bolğannıñ özinde olar şet eldik bolıp tabıladı, mısalı kopakson. Eger kopaksonmen emdeudiñ qwnı mıñ dollar bolsa, akademik Gabibov ksemustıñ bağası odan äldeqayda arzan bolatındığın aytadı.

Ksemustı jasap şığarudağı maqsat: sklerozben auıratındardı äleumettik belsendi boluğa şaqıru jäne jalpı terapiyalardı tiimdi paydalana otırıp,  aurudı tolıqtay emdeu.

Klinikalıq zertteudiñ alğaşqı kezeñi ayaqtalğan eken. 2020 jılğa deyin zertteudiñ tağı birneşe kezeñderinen ötkizip bolğan soñ  narıqqa wsınadı. Atalmış preparattardı Reseydegi nevrologiya  Institutı men Sankt-Peterburgtağı (№ 31)  skleroz emdeu ortalığı birigip jasap şığarmaq.

«The Qazaq Times»