Soñğı bir aptada qaza tapqan 50 adamnıñ basım köbi balalar. Foto; BBC.

Ündistannıñ soltüstik ştattarında balalar men jas näresteler dene temperaturasınıñ köteriluinen köptep qaza tabuda. Jergilikti aqparat qwraldarınıñ habarına qarağanda bwnday jağdayğa bir aptadan asa uaqıt bolğan.

Mälimettrege qarağanda eldiñ soltüstigindegi Uattar Pradeş ştatında jağday eñ auır. Balalar tañerteñ oyanğanda dene temperaturası köterilip, del-sal küyde terlep jatadı. Olardıñ köpşiliginde buındarı men bası auıru, işi ötu jäne qwsu sekildi belgiler bar. Key jağdayda qol-ayaqtarı qızarıp börtedi.

Soñğı bir aptada kem degende 50 adam osınday jağdayda qaza tapqan. Onıñ basım köbi balalar ekeni nazar audartuda. Emhanalarda osınday sırqatqa tap bolğan jüzdegen balalar bar. Biraq, qaza bolğandardıñ bir de birinen Covid-19 virusı anıqtalmağan.

Ündistan koronavirus pandemiyasınıñ ekinşi tolqınınan zardap tartıp jatqanda osınday «tüsiniksiz» dert el halqın üreylendirip jatqanın köptegen aqparat qwraldarı jazıp jatır. Qazirge bwl derttiñ naqtı neden payda bolatını anıq emes. Tek, Ündistanda eñ köp zardap şekken Agra, Mathura, Maynpuri, Etah, Kasganj jäne Firuzabad aymaqtarındağı därigerlerdiñ aytuınşa bwnday auru şirkeyler arqılı tarap jatqan boluı mümkin.

The Qazaq Times