رەسەي سكلەروز اۋرۋىنا شالدىققاندار ءۇشىن ءبىرىنشى پرەپاراتتارىن جاساپ شىعاردى. «كسەمۋس» اتالاتىن ءدارى نارىققا ءۇش جىلدان كەيىن، ياعني 2020 جىلدان كەيىن عانا ساتىلىمعا شىعۋى مۇمكىن. وعان دەيىن كلينيكالىق زەرتتەۋلەردىڭ بارلىق كەزەڭدەرىنەن وتكىزىلۋى قاجەت. بۇل تۋرالى (يبحران) بيوورگانيكالىق حيميا ينستيتۋتىنىڭ ديرەكتورىنىڭ ورىنباسارى، اكادەميك الەكساندر گابيبوۆتىڭ سوزىنە سىلتەمە جاساپ، Ria.ru حابارلايدى.
«اۋتويممۋندىق اۋرۋلاردى دۇرىس ەمدەمەيتىن بولسا، قاتەرلى (ونكولوگيالىق) ىسىك پايدا بولادى. ال ونداي ۋشىققان كەزىندە ەمدەۋ وتە قيىن، ءتىپتى مۇمكىن ەمەس. اۋتويممۋندىق اۋرۋلاردىڭ ىشىنە نەيرودەگەنەراتيۆتى قابىناتىن سكلەروز دا بار»، – دەيدى گابيبوۆ.
ونىڭ ايتۋىنشا، قازىر سكلەروزدى ەمدەيتىن ءدارى-دارمەكتەر از، بار بولعاننىڭ وزىندە ولار شەت ەلدىك بولىپ تابىلادى، مىسالى كوپاكسون. ەگەر كوپاكسونمەن ەمدەۋدىڭ قۇنى مىڭ دوللار بولسا، اكادەميك گابيبوۆ كسەمۋستىڭ باعاسى ودان الدەقايدا ارزان بولاتىندىعىن ايتادى.
كسەمۋستى جاساپ شىعارۋداعى ماقسات: سكلەروزبەن اۋىراتىنداردى الەۋمەتتىك بەلسەندى بولۋعا شاقىرۋ جانە جالپى تەراپيالاردى ءتيىمدى پايدالانا وتىرىپ، اۋرۋدى تولىقتاي ەمدەۋ.
كلينيكالىق زەرتتەۋدىڭ العاشقى كەزەڭى اياقتالعان ەكەن. 2020 جىلعا دەيىن زەرتتەۋدىڭ تاعى بىرنەشە كەزەڭدەرىنەن وتكىزىپ بولعان سوڭ نارىققا ۇسىنادى. اتالمىش پرەپاراتتاردى رەسەيدەگى نەۆرولوگيا ينستيتۋتى مەن سانكت-پەتەربۋرگتاعى (№ 31) سكلەروز ەمدەۋ ورتالىعى بىرىگىپ جاساپ شىعارماق.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
سۋديا قاڭتارشى–بيساەۆقا مەملەكەتتىك ادۆوكاتتىڭ كەڭەسىمەن تاعىلعان 272/2 بولىگىمەن ۇكىم شىعارا ما؟
ەكس-پرەزيدەنت نۇرسۇلتان نازارباەۆ اۋرۋحاناعا ءتۇستى
جابىرلەنۋشىلەر ۇتىك باسىپ ازاپتاعان ايدىن كەنجەباەۆقا كەشىرىم بەردى
قاڭتاردا تۋ كوتەرگەن بەرىك ابىشەۆ اۋرۋحانانىڭ جان ساقتاۋ بولىمىنە ءتۇستى