Foto: asiaplustj.info

Bügin eks-prezident Nwrswltan Nazarbaevtıñ jüregine ota jasaldı, äri ol sätti ötti dep bwrınğı prezidenttiñ baspasöz hatşısı Aydos Ükibaev habarladı. 

Nazarbaevtıñ baspasöz hatşısı: – Operaciya sätti ötti. Prezidenttiñ ömirine qauip joq. Qazir ol därigerlerdiñ baqılauında, – dep jazdı tvitter paraqşasına.

Bwğan deyin «Habar 24» arnasınıñ bwrınğı direktorı Aleksandr Aksyutic Nazarbaevtıñ Astana auruhanalarınıñ birine jetkizilgenin habarlağan.

– Meniñ derekközderim Nwrswltan Nazarbaevtıñ Astana auruhanalarınıñ birine jetkizilgenin ayttı. Onıñ jüregin tekseruden ötkizude. Medicina qızmetkerleri jüregine operaciya jasauı mümkin ekenin mälimdedi, – degen Aksyutic.

Nwrswltan Nazarbaev 2019 jılı prezidenttikten ketken. 2022 jılğı Qandı Qañtar oqiğasına deyin biliktegi ıqpalı küşti bolğan. Sarapşılar Aqorda men Nazarbaevtıñ keñsesi «Kitaphana» arasında teketires barın jii aytatın. Qandı oqiğadan keyin ol videoündeu jasap, «2019 jıldan beri zeynetker ekenin» aytqan.