«Qazaqkoncert» ökilderi jeñis küni qarsañında ardagerlermen kezdesti.

«Qazaqkoncert» memlekettik koncerttik wyımı Wlı Otan soğısı men tıl ardagerleri associacisı, Qazaqstannıñ «Ardagerler wyımı», Astana qalalıq «Auğan soğısı ardagerleri men mügedekteri», «Çernobıl' ardagerleri», Qarttar üyi  men «Şarapat» äleumettik qızmet ortalığı, «Detskaya Derevnya Astana» jäne balalar üyiniñ ökilderimen kezdesti.  Kezdesu barısında «Qazaqkoncert» ökilderi ardagerler men balalar üyi ökilderine «Jeñis tuı jelbire» koncertine şaqıru retinde 700 bilet tabıstadı jäne barşa ardagerler qauımın «Jeñis künimen» qwttıqtadı.

Ayta keteyik, 7 mamır küni sağat 19.00  Astana qalası «Qazaqstan» ortalıq koncert zalında  «Jeñis künine» arnalğan qazaq estradasınıñ jarıq jwldızdarınıñ qatısuımen jäne orkestrdiñ süyemeldeuimen ötetin «Jeñis tuı, jelbire» attı koncert ötedi. Janrlıq twrğıdan erekşelenetin koncertte teatr ärtisteriniñ qoyılımdarı körsetiledi.

60 jıldıq tarihı bar «Qazaqkoncert» MKW – Qazaqstandağı eñ iri muzıkalıq wyımdardıñ biri. Bügingi tañda «Qazaqkoncert» körikti Astanamen öziniñ jaña belesterin baylanıstıra otırıp, dästür sabaqtastığın jalğastırıp keledi.

“The Qazaq Times”