«قازاقكونتسەرت» وكىلدەرى جەڭىس كۇنى قارساڭىندا ارداگەرلەرمەن كەزدەستى.

«قازاقكونتسەرت» مەملەكەتتىك كونتسەرتتىك ۇيىمى ۇلى وتان سوعىسى مەن تىل ارداگەرلەرى اسسوتسياتسيسى، قازاقستاننىڭ «ارداگەرلەر ۇيىمى»، استانا قالالىق «اۋعان سوعىسى ارداگەرلەرى مەن مۇگەدەكتەرى»، «چەرنوبىل ارداگەرلەرى»، قارتتار ءۇيى  مەن «شاراپات» الەۋمەتتىك قىزمەت ورتالىعى، «دەتسكايا دەرەۆنيا استانا» جانە بالالار ءۇيىنىڭ وكىلدەرىمەن كەزدەستى.  كەزدەسۋ بارىسىندا «قازاقكونتسەرت» وكىلدەرى ارداگەرلەر مەن بالالار ءۇيى وكىلدەرىنە «جەڭىس تۋى جەلبىرە» كونتسەرتىنە شاقىرۋ رەتىندە 700 بيلەت تابىستادى جانە بارشا ارداگەرلەر قاۋىمىن «جەڭىس كۇنىمەن» قۇتتىقتادى.

ايتا كەتەيىك، 7 مامىر كۇنى ساعات 19.00  استانا قالاسى «قازاقستان» ورتالىق كونتسەرت زالىندا  «جەڭىس كۇنىنە» ارنالعان قازاق ەستراداسىنىڭ جارىق جۇلدىزدارىنىڭ قاتىسۋىمەن جانە وركەستردىڭ سۇيەمەلدەۋىمەن وتەتىن «جەڭىس تۋى، جەلبىرە» اتتى كونتسەرت وتەدى. جانرلىق تۇرعىدان ەرەكشەلەنەتىن كونتسەرتتە تەاتر ارتىستەرىنىڭ قويىلىمدارى كورسەتىلەدى.

60 جىلدىق تاريحى بار «قازاقكونتسەرت» مكۇ – قازاقستانداعى ەڭ ءىرى مۋزىكالىق ۇيىمداردىڭ ءبىرى. بۇگىنگى تاڭدا «قازاقكونتسەرت» كورىكتى استانامەن ءوزىنىڭ جاڭا بەلەستەرىن بايلانىستىرا وتىرىپ، ءداستۇر ساباقتاستىعىن جالعاستىرىپ كەلەدى.

“The Qazaq Times”