Mektep direktorlarınıñ jalaqısı köterilui mümkin.  QR bilim jäne ğılım vice-ministri Ashat Aymağambetov mektep basşılarınıñ eñbekaqısın saralau arqılı töleu mäselesi qarastırılıp jatqanın mälimdedi.

"Mwğalimderdiñ jalaqısına qosımşa aqı aytarlıqtay östi, biraq mektep direktorı men onıñ orınbasarları, oqu isiniñ meñgeruşilerine keler bolsaq, mäsele bar. Mwnı biz attestaciya arqılı jüyeli türde şeşudi qarastırıp otırmız. Qazirgi kezde mektep direktorları üş jılda bir ret azamattıq qızmetker retinde attestaciyadan ötedi. Biraq şağın nemese ülken mekteptiñ direktorı jäne mekteptiñ tolıq boluına, sonday-aq direktordıñ qanşalıqtı tiimdi jwmıs isteytinine qaramastan olardıñ eñbekaqısı öspegen. YAğni üstemaqı joq", - dedi Aymağambetov mäjiliste äleumettik-mädeni damu komiteti men "Nwr Otan" partiyası frakciyası janındağı äleumettik keñestiñ birlesken jiınında.

Bwdan bölek, mektep direktorı men orınbasarlarına jartı stavka boyınşa sabaq beru mümkindigin qaytarıp beru wsınıldı.

Ayta keteyik, bwdan bwrın QR prezidenti Nwrswltan Nazarbaev 2018 jıldıñ 1 qañtarınan bastap bilim berudiñ jañartılğan mazmwnına köşken wstazdardıñ lauazımdıq jalaqısın 30 payızğa köbeytudi tapsırğan edi.

“The Qazaq Times”