Nwr Otan partiyasınıñ jaqtası äri sayasatın nasihattauşı, Euraziyalıq integraciya institutınıñ direktorı Erlan Sairov. Foto: skrin-qiındı "Nege?" tok şouınıñ şığarılımınan alındı

«Nur Otan» partiyasınıñ müşesi, cayasattanuşı Erlan Sairovtıñ 29 qaraşadağı «Nege?» qoğamdıq-sayasi tok-şouınıñ kezekti şığarılımında aytqan deregin tekserip köremiz.

«Saylaudı qalay ädil ötkizuge boladı?» taqırıbında ötken bağdarlamanıñ bwl jolğı şığarılımınıñ 34.20 hronosında aqordaşıl sayasattanuşı Sairov «qarapayım mwğalim-därigerdiñ ortaşa jalaqısına» baylanıstı «arman» derek keltirdi.

«Biz bizdiñ eldiñ mwğaliminiñ, därigeriniñ rölin arttırdıq, iä... Qazir Qazaqstanda därigerdiñ jalaqısı 1000 (AQŞ nwsqasında aytuı mümkin – QT twspalı) dollardan asıp otır, mwğalimniñ jalaqısı 1000 dollarğa jaqındadı. Meniñ ağam däriger, äpkem mwğalim. Olar qarapayım däriger, qarapayım mwğalim. Ekeui de eşqanday bastıq emes. Onıñ barlığın bilik istep otır», – dedi ol bilik partiyasınıñ jürgizip otırğan sayasatın maqtauğa dälel-argument retinde keltirip.

Praymerizge qatıspay-aq, partiya kösemi N.Nazarbaevtıñ tañdauı tüskender iligetin ortalıq-partiyalıq kvotağa tiesili 49 kandidattıñ biri retinde mäjiliske depuattattıqtan dämeli Erlan Sairovtiñ sözinşe, «eşqanday bastıq emes» mwğalim men däriger 422-429 mıñ (qaraşşa jäne  ayındağı ortaşa esep – KASE / QT) teñge töñireginde jalaqı aladı. Bildey bir Euraziyalıq integraciya institutınıñ direktorı qızmetind atqaratın sarapşı bwl qarapayım mamandardıñ tabısı ekenin aytadı.

;t=2106s

Ükim: Jalğan

Bwl derektiñ ras-ötirigin anıqtau maqsatında Wlttıq ekonomika ministrligine qarastı Statistika komitetiniñ eñ soñğı derekterin aqtarıp kördik.

Strategiyalıq josparlau jäne reformalar agenttigi Wlttıq statistika byurosınıñ  soñğı mälimetinşe, Qazaqstannıñ bilim beru salasında 978 mıñğa juıq, densaulıq saqtau salasında 421 mıñnan astam qızmetker bar.

«Eñbek jäne jwmıspen qamtu statistikası» 17-seriyasındağı derekke säykes, eldegi ortaşa ataulı aylıq jalaqı 204 330 teñge köleminde.  Respublika deñgeyinde pedagogika salasındağı jalaqı 147 083 teñge, al densaulıq saqtau salasındağı ay sayınğı ortaşa tabıs  182 104 teñgege twraqtağan. Demek bügingi valyuta bağımı negizinde atalğan sala mamandarınıñ ortaşa ataulı jalaqısı 350-430 dollar şamasında: pedagog-qızmetkerler 348$, medqızmetkerler 431$. Sarapşı Qazaqstan köleminde telip aytqan körsetkişten äldeqayda az.

Sayasattanuşınıñ astanada twratının eskerip, ortaşa jalaqı jağınan Atırau öñirinen keyingi ekinşi orındı ielenetin elordadağı körsetkişterge üñilip körelik. Naqtıraq aytsaq, astanadağı 47 mıñday pedagogtiñ barlığın birge qarastırğanda ärqaysına ataulı jalaqı mölşeri 239 290 teñge sommasında şığadı. Elordalıq densaulıq saqtau jäne äleumettik qızmetkerlerdiñ ortaq tabısı – 249 062 teñge.

2020 jılğı İİİ toqsandağı bilim beru jäne medicina salasındağı qızmetkerlerdiñ sanı men olardıñ ataulı jalaqısı

(QR WEM Statistika komiteti)

Qızmetkerlerdiñ naqtı sanı,

mıñ adam

 Bir qızmetkerdiñ ortaşa aylıq ataulı jalaqısı,

teñge
Barlığı (barlıq sala boyınşa)   3 512.3   204 330
Bilim beru salası    977.8   147 083
Mektepke deyingi bilim beru    186.8   81 809
Bastauış bilim beru (1-şi deñgey)    9.8   127 201
Orta bilim beru (2-şi jäne 3-şi deñgeyler)    628.3   162 294
Joğarı bilim beru (5-şi, 6-şi, 7-şi, 8-şi deñgeyler)    79.7   200 316
Bilim berudiñ özge de türleri    69.4   125 591
Bilim beru salasındağı qosalqı qızmet    3.8   166 738
Densaulıq saqtau jäne halıqqa äleumettik qızmet körsetu salası    421.2   182 104
Densaulıq saqtau salasındağı qızmet    389.8   187 407
Auruhana wyımdarınıñ qızmeti    236.4   193 928
Därigerlik praktika jäne stomatologiya salasındağı qızmet    91.3   162 474
Densaulıq saqtau salasındağı özge de qızmet    62.1   199 228

Degenmen Sairov aytqan cifrğa say jalaqı alatın därigerler men mwğalimder joq emes. Joğarı sanattı, biliktiligi men täjiribesi mol boluı, ärtürli qosımşa eñbegi üşin tölenetin üstemaqı esebinen bwl jalaqığa qolı jetkender de bar. Biraq bwl şou qonağı aytqanday respublikalıq ortaşa körsetkişke jatpaydı.

* Negizgi jalaqıdan özge bilim beru wyımdarı qızmetkerleriniñ eñbegine aqı töleu eñbek jäne bilim beru zañnamalarınıñ normalarına säykes ayqındalıp,

  • bilim deñgeyine;
  • biliktiligine;
  • jwmıs ötiline;
  • eñbek jağdaylarına;
  • orındalatın jwmıs kölemine baylanıstı jürgiziledi.

Mwnı esepteu üşin bekitilgen tiisti koefficientti bazalıq lauazımdıq aqınıñ (BLA – 17 697 teñge) mölşerine köbeytu qajet. Bilim beru wyımdarınıñ qızmetkerlerine qosımşa aqı töleu QR Ükimetiniñ 2015 jılğı 31 jeltoqsandağı №1193 qaulısınıñ 18-qosımşası men «Pedagog märtebesi turalı» zañına säykes, memlekettik orta bilim beru wyımında käsiptik qızmetin jüzege asıratın pedagogke negizgi jwmıs ornı boyınşa ğılımi-pedagogikalıq bağıt boyınşa magistr därejesi üşin 10 eselengen AEK (büginde 1 AEK – 2 778 teñge) mölşerinde üstemaqı belgilengen.

Sınıpqa jetekşilik etu (sanattar boyınşa 9-10 teñge aralığında), däpter men jazbaşa jwmıstardı tekseru (5-9 mıñ teñge aralığında), jaratılıstanu-naqtı ğılımdar pänderin ağılşın tilinde meñgertu ( tolıq ağılşınşa – BLA-nıñ 200% mölşerine deyin,yağni 2 esege deyin; işinara ağılşınşa – ağılşın tilinde işinara BLA-nıñ 100% mölşeri), balanı olimpiada-bayqaularğa dayındau, t.b. qosımşa jwmıstar üşin üstemaqı tağayındaladı. Mwğalimder eñbekaqısınıñ dwrıs esepteluin tegin onlayn kal'kulyator arqılı qadağalay aladı. Kal'kulyator FavorIT saytında ornalasqan. Kal'kulyatordı qoldanu nwsqaulığımen mına jerden tanısuğa boladı.

"The Qazaq Times"