Foto: Atameken Business Channel

Qazaqstanda 2015-2017 jıldar aralığında 8 mıñğa juıq qılmıs anıqtalğan. Şamamen 3 mıñ adam qılmıstıq jauapkerşilikke tartıldı, dep mälimdedi jemqorlıqqa qarsı Wlttıq byuro jetekşisi Talğat Tatubaev.

Onıñ sözinşe, jemqorlardan 60 mlrd teñgeden asa şığın kelgen. Al onıñ jartısı, yağni 30 mlrd teñgesi memleketke qaytarıldı.

"Bwl qarajattı 19 mektep, 100 balabaqşa nemese 18 auruhana saluğa ketetin şığınmen salıstıruğa boladı. Sotqa 6 mıñnan asa qılmıstıq is joldandı. Är jağday adam ömirimen baylanıstı bolğandıqtan ärbir qılmıstıq iske tergeu mwqiyat jürgizilip jatır", - dedi Tatubaev Astanada ötken halıqaralıq ğılımi-praktikalıq konferenciyada.

Onıñ sözinşe, soñğı jıldarı aqparattıq jüyeler arqılı  qılmıstardı anıqtau aytarlıqtay köbeygen. Osı arqılı 20-dan asa adamnıñ qılmısı anıqtalğan. Bwdan bölek Tatubaev şeteldik äriptestermen ıntımaqtasu arqılı özderiniñ mümkindikteri artqanın aytadı.

"Bwrınğı Prem'er-Ministr Serik Ahmetovtıñ isi boyınşa  Birikken Arab ämirliginde 360 million teñge qarajat tärkilendi. Osı eldiñ qwzıretti organdarımen birlesip, qarajattı respublikalıq byudjetke qaytaruğa mümkindik boldı", - dep mısal keltirdi ol konferenciya kezinde.

Ayta keteyik,  däl osı jemqorlıq faktileri köp bolğanı üşin de bäsekege qabiletti elder qatarında Qazaqstannıñ reytingi tömendegen edi.

“The Qazaq Times”