Eks-şeneunik ükim jariyalanğan boyda sot zalınan qamauğa alındı.

Astana sotı para aldı dep ayıptalğan bwrınğı qarjı vice-ministri Ruslan Eñsebaevqa ükim şığarılğanın habarladı.

Sud'ya Baqıtjan Esenov ayıptaluşı-şeneunik Eñsebaevtıñ Baybosınov pen Bwharbaydan cifrlandıru jobaların aqparattıq süyemeldeu boyınşa qızmet körsetudi satıp alu konkursında «Al'-Farabi Partners» JŞS-niñ jeñip şığuı üşin 1,2 mln teñge para alğanın anıqtadı. Eskendirov (Aqparat jäne qoğamdıq kelisim ministrligi aqparat komitetiniñ törağa orınbasarı) Baybosınov pen Bwharbaydan  qosalqı merdigerlik jwmıstardı orındauğa «Astana qalasınıñ telearnası» JŞS men «Al'-Farabi Partners» JŞS-niñ arasında kelisim-şarttar jasasu barısında qwjattarğa qol qoyudı jedeltetu men qamqorlıq jasağanı üşin 2,3 mln teñge köleminde para alğan.

Küdiktilerdiñ kinäsi kuägerlerdiñ kuäligi jäne bank şottarı üzindilerimen däleldengen.

Eñsebaev pen Eskendirov jemqorlıq jasağanı üşin, al Baybosınov pen Bwharbay adamdar tobınıñ aldın ala söz baylasuımen birneşe ret para bergeni üşin kinäli dep tanıldı.

«Para bergendigi üşin Qılmıstıq kodekstiñ 366-babınıñ 2-böliminde 3 jıldan 7 jılğa deyingi merzimge bas bostandığınan ayıru jazası qarastırılğan. Sot qılmıstıq jazanı auırlatatın män-jay retinde qabıldanğan anttıñ bwzıluın tanıdı, sondıqtan Ensebaev pen Eskendirovke 4 jılğa bas bostandığınan ayıru jazasın tağayındaudı ädil dep sanadı», – delingen Esil audanınıñ №2 audandıq sotı şığarğan şeşimde.

Baybosınov pen Bwharbay zañda közdelgen jazanıñ eñ az merzimi – jeti jılğa bas bostandığınan ayıruğa tağayındaldı.

Küdiktiden ayıptaluşı aynalğanı, tağılğan ayıbı rastalğandar ükim jariyalanğannan keyin birden qamauğa alındı. Olardıñ barlığı ömir boyı memlekettik qızmette qızmet atqaru qwqığınan ayırıldı.

Qazaqstanda sayasi jäne memlekettik qızmetkerleri paraqorlıq ayıbımen jii isti bolıp jatadı. Belsendiler men sarapşılar jemqorlıqtıñ eldegi eñ juan äm jüyeli №1 mäselege aynalğanın keyingi jiırma jılda üzdiksiz sınap-ayıptap keledi. Degenmen halıq salımınan tüziletin memleket qarjısın jımqıru-paralau äreketi äli de tıyıla qoymadı. 2019 jılğı 10 jeltoqsanda qayta tolıqtırılğan «QR memlekettik qızmeti turalı» zañğa säykes:

«Ortalıq memlekettik organ basşılarınıñ orınbasarları – özi jetekşilik etetin vedomstvonıñ, derbes qwrılımdıq bölimşeniñ basşısı sıbaylas jemqorlıq qılmıs jasağan kezde otstavkağa berui kerek»

The Qazaq Times