Dimaş Talasbekov. Foto: kursiv.kz

Aqmola oblısı äkimdigi auıl şaruaşılığı basqarmasınıñ basşısı Dimaş Talasbaev para aldı degen küdikke ilinip, tergeuge alındı. Bwl aqparattı Sıbaylas jemqorlıqqa qarsı is-qimıl agenttiginiñ baspasöz qızmeti habarladı. 

"Ol oblıs käsipkerlerinen öz ökilettiginiñ şeñberine kiretin şeşim qabıldağanı üşin iri mölşerde para aldı degen küdikke ilindi. 14 tamızda sottıñ sankciyasımen küdikti qamauğa alındı" delingen agenttik habarlamasında.

Keybir BAQ-tıñ aqparatına qarağanda, Talasbaev 14 tamızda Almatıda 13 mln teñge para alıp jatqan sätinde wstalğan, al paranıñ jalpı soması şamamen 30 mln teñgeni qwraydı.

Qazaqstanda äkimdik qızmetkerleri jemqorlıq küdigine jii ilinedi. Sıbaylas jemqorlıqqa qarsı is-qimıl agenttigi bir apta bwrın ğana Şımkent mädeniet basqarmasınıñ lauazımdı twlğaları 80 mln teñge para bermekşi bolğanı üşin qamauğa alınğanın habarlağan. Biraq äkimdik aqparttı teristegen.

 

The Qazaq Times