Foto: Naked-science

San-Franciskodağı startap jasauşılar mümkindigi joğarı gadjetter men jasandı intellektpen qamtamasız etilgen «bolaşaqtıñ» emhanasın aştı. Bwl turalı Naked-science habarlaydı.

Forward startaptarı aşqan bwl medicinalıq ortalıq dästürli emhanalardan göri, Apple kompaniyasınıñ dükenderine wqsaydı. Startap qızmetkerleri medicinağa osınday täsilder engizu kerek dep esepteydi.

Emdeluşiler birinşi künnen bastap öziniñ elektrondı qolın qoyadı, sodan keyin adam denesin skanerleuge arnalğan arnayı analizden ötedi. Ol qwrılğılar türli biometrikalıq aqparattardı qabıldağannan keyin, pacient analiz jauaptarın smartfondağı arnayı qosımşanıñ kömegimen köru mümkindigine ie boladı. Bwl bir.

Ekinşiden. Em aluşınıñ diagnostika bölmesinde: pacient turalı integraciyalanğan derekter men nauqastıñ densaulığı jaylı barlıq mağlwmattar körsetilgen ülken sensorlıq displey ornalasqan. Däriger nauqaspen söylesip otırğanda, jasandı intellekt onıñ äñgimesin baqılap otıradı. Nätijesinde ekranğa onıñ nauqası jaylı aqparattardı şığarıp, emdeu joldarın wsınadı.

Sonımen qatar, Forward kompaniyası birneşe jaña medicinalıq qwral-jabdıqtar şığardı. Olardıñ işinde – sımsız  sandıq stetoskop bar. Onıñ erekşeligi: adamnıñ jürek qağısın sırt kiimi bolsa da teksere aladı. Jäne bir qwral – infraqızıl qwral arqılı tamırğa jarıq tüsiredi de, nätijesinde qan alu procesi jeñildeydi. Bwl üş.

Qazirgi uaqıtta bwl ğılımi-fantastikalıq medicina ortalığında em aludıñ qwnı – ay sayın 149 AQŞ dolların qwraydı. Alayda, startap negizin qalauşılardıñ aytuınşa, tağı de tehnologiyanı damıtıp, köbeyter bolsa,  emdeludiñ bağasın arzandamaq.

"The Qazaq Times"