Foto: 3dnews

Bayer, barist, postijer... Osı sındı atauı kürdeli, paydası orasan jaña mamandıqtar sanı artıp, jasandı intellekt zamanında kädege jarap otır. Mısalı, pandemiya kezinde is jürgiziletin eldiñ zañnama normaların saqtay otırıp, zañgermen qaşıqtıqtan keñesetin virtualdı advokat qızmetine swranıs artqan. The Qazaq Times däl osı sındı jaña mamandıqtardı qarastırıp kördi.

Qazir mümkindigi şekteuli jandarğa tolıqqandı ömir süruine jağday jasap, kömektesetin mamandar bar. Olar qaşıqtan jwmıs jasauğa, käsiptik beyimdiligine say salanı tañdauğa, jwmıs pen demalıs barısın  wyımdastıruğa atsalısadı (onlayn-qoğamdastıqtar, baylanıs platforması men bilim beru kurstarın tañdau).

Äleumettik jelilerde sizdiñ jeke imidjiñizdi qalıptastırıp, damıtatın mamandardı jeke brend-menedjerler dep ataymız. Jeke brendti qalıptastıru – zamannıñ bastı talabı äri qazirgi biznes-kouçingtiñ mañızdı aspektisi. Naqtı bir auditoriyağa arnalğan beyneñizdiñ boluı basqa mamandardan köş ilgeri twrıp, qoğamda swranısqa ie boluıñızğa da ıqpal etedi. Sondıqtan da bwl mamandıq ielerine qajettilik artıp otır.

Kraudfandingti platforma menedjeri kraudfandingti platformalar jwmısın wyımdastıradı, kraudfandingti qarjılandıruğa ie bolu üşin, jobalarğa aldın ala bağalau jwmıstarın jürgizedi. Salımşılar men joba ieleri arasında kelispeuşilikter tuındağan jağdayda onı şeşumen aynalısadı. Kraudfandingtik jobalarmen jwmıs jasaytın menedjer, keñesşi, marketolog mamandar Reseyde äli tolıq qalıptaspasa da, batıs elderinde öte belsendi jwmıs istep jatqan jayı bar.

Paydalanuşılar qauımdastığınıñ moderatorı paydalanuşılardıñ onlayn-qauımdastıqtarın wyımdastırıp, olardıñ kökeyindegi oydı dittegen jerine deyin jetkizuge kömektesedi. Olar üşin eñ mañızdısı — twtınuşılar aldında ädil bolu (mısalı, türli konkurstar wyımdastıruda).

Bilim beru onlayn platformasıınıñ üylestiruşisi – bilim beru mekemeleri men bilim beru jobaları salasındağı maman. Mwnday mamandardıñ onlayn pedagogikadan habarı boluı kerek, öytkeni türli pänder men disciplinalar boyınşa onlayn kurstar jürgizedi. Kurstar men platforma ayasında oqıtuşı men bilim aluşınıñ arasındağı baylanıstı qamtamasız etedi, sonımen qatar platforma qızmetin jetildiru jwmıstarımen aynalısadı.

Memlekettik organdarmen baylanıs platformasınıñ moderatorı –  qoğam belsendileri men belgili bir saladağı (bilim beru, twrğın üy men şaruaşılıq, qwrılıs, zeynetaqımen qamtamasız etu) şeneunikter arasında birlesken şeşimder şığaru üşin onlayn jäne oflayn formattağı swhbattardı wyımdastıratın maman.

Trendvotçer – ekonomikanıñ türli salalarında, qoğamdıq ömirde, sayasat pen mädeniette jaña ürdisterdiñ qalıptasuın, olardıñ twtınuşı qajettiligine degen oñ nemese teris äserin qadağalap otıratın mamandar.

"The Qazaq Times"