Foto: Informburo.kz

Qırğızstanda Sooronbay Jeenbekov jeñisin bir-aq adam moyındağan joq.

Osı uaqıtqa deyin qırğız eliniñ qazirgi prezidenti Almazbek Atambaevtıñ izbasarı Sooronbay Jeenbekovtıñ saylaudağı jeñisin prezident saylauına qatısqan ümitkerlerdiñ işinde bir adam ğana moyındağan joq. Ol saylauda 6,48 payız dauıs jinap, üşinşi orın alğan «Bütin Qırğızstan» partiyasınıñ ökili Adahan Madumarov. Madumarovtıñ sözinşe, el biligi saylau kezinde Resey men Qazaqstandağı 500 mıñ qırğızstandıqtı türli sebeptermen saylauğa qatıstırmay qoyğan. Onıñ üstine Qırğızstandağı 1,5 million adam saylauğa qatısudan bas tartqan. Adahan Madumarov saylaudan keyin jurnalister aldında söylegen sözinde: «El halqınıñ jartısı qatıspağan saylauda Ortalıq saylau komissiyasınıñ sözinşe, Sooronbay Jeenbekov 54 payız dauıs jinadı. Bwl dwrıs emes, ol şın mäninde 25 payız boluı tiis» - degen.

Al Sooronbay Jeenbekovtıñ bastı qarsılası Ömirbek Babanov saylaudan keyin Jeenbekov jeñisine baylanıstı qarsı pikir bildirmegen. Ol saylau qorıtındısı jariyalanğannan keyin öz jaqtastarına: «Biz bilik belgilegen payızdardı aldıq. Bizdiñ jeñisimiz äli alda» - dep qısqa qayırğan.

Sooronbay Jeenbekov jeñisinen keyin onı eñ alğaşqılardıñ biri bolıp Resey prezidenti Vladimir Putin qwttıqtadı. Odan keyin barıp Qazaqstan prezidenti Nwrswltan Nazarbaev pen Özbekstan basşısı Şavkat Mirzieev qwttıqtau telegrammasın joldadı. Bir qızığı joğarıda atalğan üş prezidentte qwttıqtau hattarında Qırğızstannıñ qazirgi prezidenti Almazbek Atambaev jayında bir auız söz aytpağan. Sarapşılardıñ pikirinşe, bwl Qazaqstan, Özbekstan jäne Resey basşılarınıñ Sooronbay Jeenbekovqa bergen belgileri. Olar osı arqılı Jeenbekovke Atambaev sayasatın jalğastıru körşiles memlekettermen dostıq qarım-qatınas ornatuda qiındıq tudıratının meñzegen.

Jalpı soñğı uaqıttağı Almazbek Atambaevtıñ Nwrswltan Nazarbaev tarapına qarata türli mälimdemelerdi qarşa boratuı TMD elderi basşılarınıñ eşqaysısına wnamağanı belgili. Tipti BAQ betterinde bwğan Resey prezidenti Vladimir Putin aralastı degen de pikirler aytılğan. Biraq Atambaev qazaq biligin sınauın Jeenbekov jeñiske jetkenge deyin toqtatqan joq. Ol tipti saylau küni de resmi Astananı sınap mälimdeme jasadı. Al Qırğızstannıñ su jaña prezidenti Sooronbay Jeenbekov özi jurnalisterdiñ «Siz Nazarbaevqa qalay qaraysız?» degen swrağına: «Men ol kisini körşi eldiñ basşısı retinde sıylaymın. Qazaq-qırğız şekarasındağı dau uaqıtşa mäsele» - dep qısqaşa jauap bergen. Endi Jeenbekov jeñisin moyındamaytın jalğız adamğa qaytıp oralsaq. Eger Adahan Madumarov 20 kün işinde saylau qorıtındısımen kelispeytindigin aytıp sotqa şağımdanbaytın bolsa, onda Sooronboy Jeenbekov Konstituciya boyınşa resmi qorıtındı jariyalanğanan keyin 30 kün ötken soñ yağni jeltoqsannıñ 4-i küni qırğız halqı aldında saltanattı  türde ant beredi.

“The Qazaq Times”