M-Lab zerthanası Google Open Source Research jobası ayasında Ortalıq Aziya memleketteri arasında eñ jıldam iternet qay elde ekendigin anıqtadı.

M-Lab zertteuşileri Ortalıq Aziya elderiniñ ğalamtor jıldamdığın kölemi 7,5 gb bolatın HD sapadağı fil'imdi internetten köşiru arqılı teksergen. Tekseru barısında Ortalıq Aziyada eñ jıldam internet Qazaqstanda ekendigi anıqtalğan. Zertteuşiler bizdiñ elimizde kölemi 7,5 gb, HD sapalı kinonı internetten 4 sağat 15 minutta jüktegen. Al Qırğızstanda HD sapadağı fil'imdi 17 sağat 22 minutta, Täjikstanda 20 sağat 34 minutta, Özbekstanda 22 sağat 26 minut köşirgen.

Älem boyınşa internet jıldamdığı jağınan Qazaqstan 88, Qırğızstan 166, Täjikstan 177, Özbekstan 178 orındarda.

M-Lab zerthanasınıñ mälimeti boyınşa, jer betindegi eñ jıldam internet Singapurda. Ol jerde kölemi 7,5 gb bolatın HD sapadağı fil'imdi ğalamtordan 18 minutta köşirip aluğa boladı. Al eñ tömengi jıldamdıqtağı internet Burkino-Faso, Yemen jäne Gabon elderinde.

“The Qazaq Times”