م-Lab زەرتحاناسى Google Open Source Research جوباسى اياسىندا ورتالىق ازيا مەملەكەتتەرى اراسىندا ەڭ جىلدام يتەرنەت قاي ەلدە ەكەندىگىن انىقتادى.

م-Lab زەرتتەۋشىلەرى ورتالىق ازيا ەلدەرىنىڭ عالامتور جىلدامدىعىن كولەمى 7,5 گب بولاتىن HD ساپاداعى ءفيلىمدى ينتەرنەتتەن كوشىرۋ ارقىلى تەكسەرگەن. تەكسەرۋ بارىسىندا ورتالىق ازيادا ەڭ جىلدام ينتەرنەت قازاقستاندا ەكەندىگى انىقتالعان. زەرتتەۋشىلەر ءبىزدىڭ ەلىمىزدە كولەمى 7,5 گب، HD ساپالى كينونى ينتەرنەتتەن 4 ساعات 15 مينۋتتا جۇكتەگەن. ال قىرعىزستاندا HD ساپاداعى ءفيلىمدى 17 ساعات 22 مينۋتتا، تاجىكستاندا 20 ساعات 34 مينۋتتا، وزبەكستاندا 22 ساعات 26 مينۋت كوشىرگەن.

الەم بويىنشا ينتەرنەت جىلدامدىعى جاعىنان قازاقستان 88, قىرعىزستان 166, تاجىكستان 177, وزبەكستان 178 ورىنداردا.

م-Lab زەرتحاناسىنىڭ مالىمەتى بويىنشا، جەر بەتىندەگى ەڭ جىلدام ينتەرنەت سينگاپۋردا. ول جەردە كولەمى 7,5 گب بولاتىن HD ساپاداعى ءفيلىمدى عالامتوردان 18 مينۋتتا كوشىرىپ الۋعا بولادى. ال ەڭ تومەنگى جىلدامدىقتاعى ينتەرنەت بۋركينو-فاسو، يەمەن جانە گابون ەلدەرىندە.

“The Qazaq Times”