Foto: tj.usembassy.gov

AQŞ-tıñ Täjikstandağı elşiligi habarlauınşa Täjikstanda 10 tamızdan bastap  AQŞ qarulı küşteriniñ ortalıq basqarması wyımdastırğan äskeri jattığu bastalğan. Bwl jöninde Ortalıq Aziya Jağalıqtar qızmeti jazdı.

AQŞ-tıñ Täjikstandağı elşisi Djon Mark Pommerşaym 20 tamızğa deyin jalğasatın "Aymaq ıntımaqtastığı – 2022" äskeri jattığuına qatısuşılardı jılı qarsı aldı. Onıñ aytuınşa, bwl AQŞ-tıñ Ortalıq Aziya jäne Oñtüstik Aziya elderimen birigip ötkizip jatqan eñ iri jattığularınıñ biri. Bwl "aymaqtağı äriptesterimizben qarım-qatınastı nığaytuğa biregey mümkindik beredi" dedi ol.

Elşiliktiñ habarlauınşa, jıl sayın ötetin jattığu aymaqta twraqtılıqtı qamtamasız etuge, terrorizmmen küresuge, sonımen birge memleketter arasında ıntımaqtastıqtı arttıruğa ıqpal etedi.

Elşiliktiñ mälimetinşe, AQŞ, Täjikstan, Qazaqstan, Qırğızstan, Özbekstan, Päkistan jäne Moñğoliya elderinen kelgen äskeri qızmetkerler altı kün jattığadı. Täjikstan men AQŞ Fahrabad oqu ortalığında bes kündik dala jattığuın ötkizedi.