Foto: inform.kz

2018 jıldıñ 1 şildesinen bastap bazalıq zeynetaqı eñbek ötiline qatıstı tağayındaladı. Eñbek jäne halıqtı äleumettik qorğau vice-ministri Svetlana Jaqıpova Ortalıq kommunikaciyalar qızmetinde ötken baspasöz-konferenciyasında osılay dep mälimdedi.

"Qazirgi kezde zeynetaqı zeynetkerlik jasına jetkenderdiñ bärine birdey eñbek ötilin jäne zeynetaqı jinağın qalıptastıruğa qatısuın eskermey-aq tağayındaladı. Al kelesi jıldan bastap zeynetaqını zeynetaqı jüyesine qatısu ötiline qaray beru josparlanğan. 1998 jıldan keyingi jinaqtauşı zeynetaqı jüyesine zeynetaqı audarımdarınıñ tüsu aralığı ğana eseptelip qoymay, 1998 jılğa deyingi de eñbek ötili esepke alınuı mümkin», - dedi S.Jaqıpova.

Sonday-aq, 2018 jıldıñ 1 şildesinen bastap 2,1 mln zeynetkerdiñ bazalıq zeynetaqısı 1,8 esege joğarılaydı. Sonımen qatar, qazirgi kezde ziyandı jäne qauipti eñbekpen aynalısatın azamattardıñ zeynetke erte şığu şaraları qarastırılğan.

 

“The Qazaq Times”