Svetlana Jaqıpova. foto: flickr.com

Astana qalasındağı auır qaza ministrliktegilerdi wyqısınan oyatqan ispetti. Biri, mwnday qazağa qayğıra köñil aytsa, endi biri ata-anasın sotqa tartumen älek. BAQ ökilderi men äleumettik jelide şulağan twrğındar bwl oqiğanıñ jılı jabıluına jol bere qoymadı.

Qaza tapqan bes qızdıñ eñ kişisi üş aylıq ekendigin eskergen Eñbek jäne halıqtı äleumettik qorğau vice-ministri Svetlana Jaqıpova dekrettik jasqa deyingi bala kütimine beriletin järdemaqınıñ merzimin wzartudı josparlap otırğandığın jetkizdi.

Vice-ministrdiñ sözinşe: "Eñbek jäne halıqtı äleumettik qorğau ministrligi dekrettegi äyelderge järdemaqı beru merzimin wzartu turalı birneşe ret wsınıs jasağan bolatın. Byudjettik qarajattı eskere otırıp, biz respublikalıq byudjettik komissiyağa ötiniş qaldırğanbız. Bizdiñ wsınıs äli maqwldanbadı. Endi tağı da wsınıs jasaymız", - dedi.

Sonımen qatar, säbileriniñ bir jasqa tolğanın kütpesten jwmısqa şıqqan äyelderge eşqanday mäjbürlik körsete almaytındığın da jetkizgen. Alayda, ükimetten beriletin järdemaqınıñ tım az ekendigin eskermegen vice-ministr jaña bosanğan analardıñ tirlikke aralasuın basqaşa elestetetin ispetti. Oğan, Jaqıpovanıñ mına sözi dälel:  Men jwmısqa şıqqan kezde balam üş ayğa tolmağan edi. Onımen birge jwmıs istep, issaparğa da şığatınmın. Biraq men jwmısqa aqşa tabu maqsatında şıqqan joqpın", - degen basşı qarapayım halıqtı özimen deñgeyles köretindigin añğartqanday boldı. Degenmen, aylığı-şaylığına jetpegen otbasılar eñbek isine erikkennen aralaspaytındığı haq.

"The Qazaq Times"