Foto: El.kz

 "Ağa" nemese "täte" dep jwmısqa twratın uaqıt äldeqaşan ötip ketken. Bwl turalı QR Eñbek jäne äleumettik qorğau vice-ministri Svetlana Jaqıpova mälimdedi.

"Köpşiligi jwmısqa twru orındarı joq nemese "bir qoñıraumen" jwmısqa twrğızatın "ağa-täteñ" bolu kerek degendi alğa tartadı. Bwl uaqıt äldeqaşan ötip ketken, Biz elektrondı eñbek birjasın qwrdıq. Onda 65 mıñ tüyindeme men 19 mıñ vakanciya ornalastırılğan. Bwl ülken bäsekelestikti körsetip otır", - dedi Jaqıpova.

Vice-ministrdiñ sözinşe, jwmısqa twru üşin qızmet körsetudiñ belsendi formasına köşu qajet.

"Bwl degeniñiz adam, jwmıspen qamtu ortalığına baru kerek. Al biz oğan kelip: "Siz az qamtılğan otbasısız, otbasında otağası jwmıspen qamtılmağan, tolıq bilim almağan kämelettik jasqa tolğan bala bar. Biz otağasınıñ jwmısqa twruına, balañızdıñ kelesi eñbek türleri boyınşa bilim aluına mümkindik beretin äleumettik kelisim jasayıq. Bwdan bölek sizdi järdemaqımen de qamtamasız etemiz" dep aytamız. Mine, bwl standart", - dedi ol.

Ayta keteyik, statistika komitetiniñ mälimeti boyınşa 2017 jıldıñ 4 toqsanında Qazaqstanda tirkelgen jwmıssızdardıñ sanı 439,3 mıñ adamdı qwradı jäne körsetkiş 4,9 payızğa jetti.

“The Qazaq Times”