فوتو: inform.kz

2018 جىلدىڭ 1 شىلدەسىنەن باستاپ بازالىق زەينەتاقى ەڭبەك وتىلىنە قاتىستى تاعايىندالادى. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا ورتالىق كوممۋنيكاتسيالار قىزمەتىندە وتكەن ءباسپاسوز-كونفەرەنتسياسىندا وسىلاي دەپ مالىمدەدى.

"قازىرگى كەزدە زەينەتاقى زەينەتكەرلىك جاسىنا جەتكەندەردىڭ بارىنە بىردەي ەڭبەك ءوتىلىن جانە زەينەتاقى جيناعىن قالىپتاستىرۋعا قاتىسۋىن ەسكەرمەي-اق تاعايىندالادى. ال كەلەسى جىلدان باستاپ زەينەتاقىنى زەينەتاقى جۇيەسىنە قاتىسۋ وتىلىنە قاراي بەرۋ جوسپارلانعان. 1998 جىلدان كەيىنگى جيناقتاۋشى زەينەتاقى جۇيەسىنە زەينەتاقى اۋدارىمدارىنىڭ ءتۇسۋ ارالىعى عانا ەسەپتەلىپ قويماي، 1998 جىلعا دەيىنگى دە ەڭبەك ءوتىلى ەسەپكە الىنۋى مۇمكىن»، - دەدى س.جاقىپوۆا.

سونداي-اق، 2018 جىلدىڭ 1 شىلدەسىنەن باستاپ 2,1 ملن زەينەتكەردىڭ بازالىق زەينەتاقىسى 1,8 ەسەگە جوعارىلايدى. سونىمەن قاتار، قازىرگى كەزدە زياندى جانە قاۋىپتى ەڭبەكپەن اينالىساتىن ازاماتتاردىڭ زەينەتكە ەرتە شىعۋ شارالارى قاراستىرىلعان.

 

“The Qazaq Times”