قازاقستاندا كورونۆاۆيرۋس ينفەكتسياسىن جۇقتىرعاندار سانى 50 مىڭنان اسىپ جىعىلدى. ناۋقاستاردىڭ سانى بويىنشا اتىراۋ وبلىسى كوش باستاپ تۇر.

رەسمي ستاتيستيكا بويىنشا 7 شىلدە رەسپۋبليكادا 1376 ادامنان ينفەكتسيا انىقتالىپ، ونىڭ 847-سىنەن ۆيرۋستىڭ كلينيكالىق بەلگىلەرى بايقالماعان. بۇل تۋرالى كوروناۆيرۋسپەن كۇرەس جونىندەگى ۆەدومستۆوارالىق كوميسسيا حابارلادى.

بىرنەشە كۇن بويى 300-دەن اسا ناۋقاس تىركەلىپ كەلگەن اتىراۋ وبلىسىندا 6 شىلدە كۇنى تەك 101 ادامنان ۆيرۋس انىقتالعان بولاتىن. بىراق، 7 شىلدە وبلىستا ينفەكتسيا جۇقتىرعان 264 ادام انىقتالىپ، وبلىس ۆيرۋستىڭ تارالۋ قارقىنى بويىنشا قايتادان العاشقى ورىنعا شىقتى. قازىر وبلىستا جالپى سانى 6156 ناۋقاس تىركەلگەن. رەسپۋبليكا بويىنشا كۆي جۇقتىرعانداردىڭ سانى 51 059-عا جەتتى.

وڭىرلەردەگى ستاتيستيكا تومەندەگىدەي:

  • الماتى قالاسىندا - 6501 (+143 جاڭادان قوسىلعان),
  • اتىراۋ وبلىسىندا - 6156 (+264),
  • نۇر-سۇلتان قالاسىندا - 6057 (+73),
  • قاراعاندى وبلىسىندا - 5520 (+184),
  • شىمكەنت قالاسىندا - 3659 (+65),
  • باتىس قازاقستان وبلىسىندا - 3509 (+86),
  • الماتى وبلىسىندا - 2750 (+59),
  • شىعىس قازاقستان وبلىسىندا - 2313 (+135),
  • تۇركىستان وبلىسىندا - 2051 (+10),
  • جامبىل وبلىسىندا - 1866 (+77),
  • اقتوبە وبلىسىندا - 1850 (+22),
  • ماڭعىستاۋ وبلىسىندا - 1672 (+82),
  • اقمولا وبلىسىندا - 1512 (+28),
  • پاۆلودار وبلىسىندا - 1507 (+47),
  • قىزىلوردا وبلىسىندا -1487 (+31),
  • سولتۇستىك قازاقستان وبلىسىندا - 1446 (+28),
  • قوستاناي وبلىسىندا - 1203 (+42).

"The Qazaq Times"