الماتى «قىزىل» ايماققا ءوتتى

بۇگىننەن باستاپ الماتى كوروناۆيرۋستىڭ تارالۋ قارقىنى بويىنشا «سارى» ايماقتان «قىزىل» ايماققا ءوتتى.

دەنساۋلىق ساقتاۋ مينيسترلىگىنىڭ مالىمەتىنشە، 24 قاڭتاردا ەلدە پتر تەستى وڭ شىققان 1 480 ادام تىركەلدى. 16 ادامنىڭ كوروناۆيرۋس پنەۆمونياسىنا شالدىققانى انىقتالعان.

«قىزىل» ايماقتا ااستانا، اقمولا، اتىراۋ، باتىس قازاقستان، قوستاناي، پاۆلودار، سولتۇستىك قازاقستان بار.

ال «سارى» ايماقتا قاراعاندى، الماتى وبلىستارى، قالعان بارلىق وڭىرلەر «جاسىل» ايماقتا.

دەنمين وتكەن جىلدىڭ قاراشاسىنان باستاپ كوروناۆيرۋستىڭ تارالۋ قارقىنى بويىنشا ايماقتاردى ءۇش تۇرگە بولەدى. ءبىر ايماقتان ەكىنشى ايماققا كوشۋ R رەپرودۋكتيۆتى سانىنا، سونداي-اق ءبىر اپتادا 100 مىڭ تۇرعىنعا شاققانداعى ايماقتاعى كەيستەرگە بايلانىستى انىقتالادى.

«جاسىل» ايماق ۆيرۋستىڭ تارالۋ قارقىنى تومەن جانە كارانتيندىك شەكتەۋلەردى جەڭىلدەتۋگە بولاتىندىعىن كورسەتەدى; «سارى» ايماققا ءوتۋ كارانتيندى ساقتاۋدى، ال «قىزىل» ايماق – شەكتەۋ شارالارىن قاتاڭداتۋدى تالاپ ەتەدى.

ايتا كەتەيىك، قازاقستان بيلىگى 1 تامىزدان بەرى پنەۆمونيانىڭ Covid-كە ۇقساس تۇرىنە جەكە كود بەرىپ، بولەك تىركەپ كەلەدى. سودان بەرى 47 437 ادام كوروناۆيرۋس پنەۆمونياسىنا شالدىققان. 555 ادام قايتىس بولعان. 35 مىڭنان استامى جازىلعان.

"The Qazaq Times"