فوتو: 24.kz/media

دەنساۋلىق ساقتاۋ مينيسترلىگىنىڭ مالىمەتىنشە، وتكەن تاۋلىكتە قازاقستاندا پتر تەستى وڭ شىققان 1 430 ادام تىركەلگەن. ۆيرۋس جۇقتىرعانداردىڭ جالپى سانى 173 842-گە جەتتى.

پاۆلودار وبلىسىندا 235 جاڭا جاعداي، استانا – 231, اقمولا وبلىسى – 163, الماتى – 130, قوستاناي وبلىسى – 125, اتىراۋ وبلىسى – 111 بولدى. سولتۇستىك قازاقستان وبلىسىندا – 91, الماتى وبلىسىندا – 78, قاراعاندى وبلىسىندا – 75, باتىس قازاقستان وبلىسىندا-61, شىعىس قازاقستان وبلىسىندا – 41, جامبىل وبلىسىندا – 19, اقتوبە وبلىسىندا – 17, ماڭعىستاۋ وبلىسىندا – 16, شىمكەنتتە – 14, تۇركىستان وبلىسىندا – 13, قىزىلوردا وبلىسىندا – 10 دەرەك تىركەلدى.

13 ناۋرىزدان بەرى COVID-19 ينفەكتسياسىن جۇقتىرعاندار قاتارى 169 مىڭنان، 1 تامىزدان بەرگى كوروناۆيرۋس پنەۆمونياسى 46,5 مىڭنان اسقان. ددسۇ مالىمەتىنشە، قازاقستاندا اۋىرعانداردىڭ سانى 213 مىڭعا جەتسە، ال ۇلتتىق ستاتيستيكادا 216 مىڭعا جۋىقتاعان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.

حالىقارالىق ۇيىم تۋىستاس دەرتتىڭ قاۋپى بىردەي ەكەنىنە باسا نازار اۋدارسا دا قازاقستاننىڭ دەنساۋلىق ساقتاۋ مينيسترلىگى كوروناۆيرۋس پەن ونىڭ پنەۆمونيالىق تۇرىنە ەكى ءتۇرلى كوزقاراسپەن قارايدى. ونىڭ انىق دالەلى – كۆي+ دياگنوزى بويىنشا جاڭا انىقتالعان ناۋقاستار مەن قايتقاندار، ايىعىپ شىققانداردىڭ ايماقتارداعى كورسەتكىشى كۇندەلىكتى جاريالانادى، ال كۆي- دەرەگى تەك جيىنتىق ماندە بەرىلەدى.

كوروناۆيرۋس پنەۆمونياسىنىڭ ايماقتارعا تارالۋى جونىندەگى ەسەپ مينيستر و باستا ايتقانداي كۇندەلىكتى نە اپتاسىنا ەمەس، ون كۇندە ءبىر رەت، ونىڭ وزىندە ۆەدومستۆو سايتىنا فايل فورماتىندا جۇكتەلىپ كەلەدى.

سونىمەن قاتار، قازاقستان بيلىگى 1 تامىزدان بەرى پنەۆمونيانىڭ Covid-كە ۇقساس تۇرىنە جەكە كود بەرىپ، بولەك تىركەپ كەلەدى. سودان بەرى 47 211 ادام كوروناۆيرۋس پنەۆمونياسىنا شالدىققان. 549 ادام قايتىس بولعان. 35 مىڭعا جۋىعى جازىلعان.

"The Qazaq Times"