وزبەكستاننىڭ قازىرگى بيلىگى مەن قازاقستان اراسىندا جاسىرىن باسەكەلەستىك باستالدى

وزبەكستان مەن قازاقستان اراسىندا ايماقتىق ارىپتەستىك نەمەسە جاسىرىن باسەكەلەستىك باستالدى، دەپ حابارلايدى پارسى اقپارات اگەنتتىگى.

بيىلعى جىلدىڭ 23 ناۋرىزىندا  استاناعا وزبەكستاننىڭ جاڭا پرەزيدەنتى شاۆكات ميرزيەەۆتىڭ ساپارلاي كەلۋى بارىسىندا ەكى ەل باسشىلارى وزبەكستان مەن قازاقستاننىڭ ايماقتىق ىنتىماقتاستىعى تۋرالى كەلىسىمگە قول قويدى.

وسى كەلىسىمگە سايكەس، وزبەكستان مەن قازاقستان ساۋدا-ەكونوميكا، مادەنيەت، اۋىل شارۋاشىلىعى، دەنساۋلىق ساقتاۋ، جۇمىس ورىندارىن اشۋ، تۋريزم، قورشاعان ورتانى قورعاۋ سالالارىندا ءوزارا ءتيىمدى ىنتىماقتاستىق جاساۋ ماقساتىندا باعدارلاما دايىنداپ، ءتيىستى شارالار اتقارۋعا كەلىسكەن ەدى.

وسى كەلىسىمگە قول قويىلعانى تۋرالى حاباردىڭ تارالۋى جانە وزبەكستان مەن قازاقستان اراسىندا ىنتىماقتاستىقتىڭ جالعاسقانىنىڭ جاريالانۋى الەمدىك ساياسي ورتالاردىڭ نازارىن مىنا قىرىنان وزىنە اۋداردى: بۇل ەكى رەسپۋبليكا تاۋەلسىزدىك العاننان كەيىنگى جىلدارى ورتا ازياداعى باسقا ەلدەردى قوسپاعاندا جاريالانباعان باسەكەلەستىك جۇرگىزىپ، ايماقتىق جانە حالىقارالىق قاتىناستارعا تۇسكەن بولاتىن.

ءتىپتى، وزبەكستان مەن قازاقستان ايماقتىق ۇيىمدارعا كىرەر كەزدە دە وسى ەكى ەلدىڭ ساياسي-ەكونوميكالىق جانە الەۋمەتتىك قاجەتتىلىگى نازارعا الىنباي، ءارتۇرلى ۇيىمدارعا مۇشەلىك ەتۋى ولاردىڭ ءبىر-بىرىنە دەگەن باسەكەلەستىك سەزىمى نەگىزىندە جۇزەگە اسىپ وتىردى. ماسەلەن، وزبەكستان مەن قازاقستاننىڭ تمد ەلدەرى اراسىنداعى ۇجىمدىق قاۋىپسىزدىك تۋرالى شارت ۇيىمى نەمەسە شانحاي ىنتىماقتاستىق ۇيىمى مەن باسقا دا وسى سياقتى ايماقتىق ۇيىمدارعا مۇشە بولىپ كىرۋدەگى ىلگەرى-كەيىندىلىكتە وسى باسەكەلەستىك پەن ورتا ازيا ەلدەرىن باسقارۋدى قولعا الۋ تالپىنىستارىن اڭعارعان.

بۇل قاتىناس يسلام كاريموۆ قايتىس بولعاننان كەيىن وزگەرىسكە ۇشىرادى. دەگەنمەن ەكى ەلدىڭ قوعامىندا بۇرىنعىداي بيلىكتىڭ جوعارى دەڭگەيلەرىنەن وسى باسەكەلەستىك بەلگىلەرى بايقالادى.

ال، وزبەكستان مەن قازاقستانداعى كەيبىر ساياسي ورتالار ەكى ەلدىڭ ىنتىماقتاستىق كەلىسىمىنە قول قويىلۋىن وپتيميزممەن قابىلداپ، ونى "جاسىرىن باسەكەلەستىكتى توقتاتۋ جولىنداعى بەتبۇرىس نۇكتەسى" دەپ باعالاپ وتىر. ساياسي ورتالاردىڭ باسقا ءبىر بولىگى پەسسيميستىك كوزقاراس ءبىلدىرىپ، ەكى ەلدىڭ ايماقتىق ارىپتەستىكتەرى تۋرالى كەلىسىمدى "ورتا ازيا ەلدەرىن باسقارۋعا قاتىستى بۇرىنعى جاسىرىن باسەكەلەستىكتىڭ قايتا جاندانۋى" دەپ سانايدى.

وسىنداي جاعدايدا ايماقتىق جانە حالىقارالىق قارىم-قاتىناستاردا تاشكەنت استاناعا قاراعاندا ساياسي ىرىقتى ورىندا تۇرماعاندىقتان وزبەكستان وسى باسەكەلەستىككە بار كۇشىن سالىپ كىرىسۋگە ءتيىستى جاعدايعا يە ەمەس. الايدا بۇرىنعىداي ەكى ەل باسشىلارىنىڭ ساياسي شەشىمدەرىنەن تامىرلاناتىن بۇرىنعى باسەكەلەستىك ەكى ەلدىڭ سىرتقى ساياساتىنداعى قازىرگى ۇدەرىستىڭ وزگەرۋىنە سەبەپ بولۋى ىقتيمال.

سول سەبەپتى ورتا ازيا جونىندەگى ساراپشى سەرگەي ساۆەلەۆ وسى ۋاقىتقا دەيىن شاۆكات ميرزيەەۆ باستاعان وزبەكستاننىڭ جاڭا ۇكىمەتى قول جەتكىزگەن جەتىستىكتەرگە توقتالىپ: «تاشكەنتتىڭ جاڭا ۇكىمەتىندە بارلىق وزگەرىستەر جۇمساق اتقارىلدى. ەندى وزبەكستاندا شاۆكات ميرزيەەۆ بيلىك باسىنا كەلگەننەن كەيىن تاشكەنت پەن استانا ايماقتى باسقارۋدى ءوز قولدارىنا الۋعا تالپىنىس جاساپ جاتىر»،-دەدى.

الەمدىك ساياساتكەرلەردىڭ بۇل كوزقاراستارىنا توقتالىپ، قورىتا كەلگەندە، ەكى ەلدىڭ ءوزارا ءتيىمدى ىنتىماقتاستىق سالاسىنا اياق باسقانىن نەمەسە ءبىر-بىرىمەن قايتا باسەكەلەسە باستاعانىن، بولاشاقتا سىرتقى ستراتەگيالىق ساياساتى مەن قارىم-قاتىناسىنان، ەكونوميكالىق قۋاتى مەن اسكەري كۇشتەرىنىڭ نىعايۋىنان بايقايتىن بولامىز.

“The Qazaq Times”