وزبەكستاندا پرەزيدەنت سايلاۋى 24 قازانعا بەلگىلەندى. ساراپشىلار قازىرگى پرەزيدەنت شاۆكات ميرزياەۆتىڭ ەندى ەكىنشى مەرزىمگە سايلانۋعا دايىندالىپ جاتقانىن ءارى جەڭىسكە جەتەتىنىنە سەنىمدى ەكەنىن ايتادى.
ەلدە سايلاۋالدى ۇگىت-ناسيحات ناۋقانى بۇگىن باستالدى. وزگە دە پوستكەڭەستىك مەملەكەتتەردەگىدەي، وزبەكستاننىڭ دا قازىرگى پرەزيدەنتى شاۆكات ميرزياەۆ ەكىنشى مەرزىمگە سايلانۋدى كوزدەپ وتىر. ول وسىعان دەيىن «ەلگە ناعىز وپپوزيتسيالىق پارتيالار مەن كانديداتتار كەرەك» دەگەندى بىرنەشە رەت ايتقان. بىراق ساراپشىلار ميرزياەۆ پەن ونىڭ اكىمشىلىگى وپپوزيتسيا بيلىكتەن كورگىسى كەلمەيتىنىن ايتادى.
ميرزياەۆ بۇرىنعى پرەزيدەنت يسلام كاريموۆ 2016 جىلى قايتىس بولعاننان كەيىن بيلىكتى ءوز قولىنا العان. سول جىلى ول سايلاۋدا 88,61% داۋىس جينادى.
ياعني ورتالىق ازيادا حالقى ەڭ كوپ (32 ملن ادام) مەملەكەتتى اۆتوريتار باسشى كاريموۆتەن كەيىن ەلدى باسقارىپ كەلە جاتقان شاۆكات ميرزياەۆ ءوزىن رەفورماتور رەتىندە كورسەتۋگە تىرىسادى. ول ساياسي تۇتقىنداردى بوساتىپ، وزبەكستان قاقپاسىن كورشى ەلدەر مەن سىرتقى الەمگە اشقان. بىراق كوپتەگەن بەلسەندىلەر ەلدە رەفورما ءۇستىرت جۇرگىزىلەتىنىن ءجيى سىنعا الادى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى