وزبەكستاندا پارلامەنت سايلاۋى قورىتىندىسى بويىنشا پرەزيدەنت شاۆكات ميرزيەەۆتىڭ ليبەرال-دەموكراتيالىق پارتياسى جەڭىسكە جەتتى.

كاسىپكەرلەر مەن ىسكەر ادامداردىڭ ساياسي قوزعالىسى ولي ءماجىلىستىڭ زاڭنامالىق پالاتاسىنان ەڭ كوپ ورىن الىپ وتىر. ولارعا 43 ماندات ۇلەستىرىلمەك. ەلدىڭ ورتالىق سايلاۋ كوميسسياسى سايلاۋشىلاردىڭ داۋىس بەرۋ كورسەتكىشتەرى بويىنشا الدىن الا مالىمەتتەر جاريالادى. وعان سايكەس وزبەكستاندىقتاردىڭ 70%-ى ءوز تاڭداۋىن جاساعان. ياعني شامامەن 19 ملن-عا جۋىق ادام داۋىس بەرۋگە قاتىسقان. پارلامەنتتىك سايلاۋعا قاتىسقان باسقا ءتورت پارتيا دا تومەنگى پالاتاعا وتكەن.

ورتالىق سايلاۋ كوميتەتىنىڭ رەسمي مالىمەتىنشە، وزبەكستان ليبەرال-دەموكراتيالىق پارتياسى (پرەزيدەنت شاۆكات ميرزياەۆ وسى پارتيانىڭ مۇشەسى) – 43;

«ميللي تيكلانيش» («ۇلتتىق جاڭعىرۋ») دەموكراتيالىق پارتياسى – 35;

«ادولات» سوتسيال-دەموكراتيالىق پارتياسى – 21;

وزبەكستان حالىقتىق-دەموكراتيالىق پارتياسى - 18

«وزبەكستان ەكولوگيا قوزعالىسى» – 11 ورىنعا يە بولدى.

ايتا كەتەيىك، بۇل – شاۆكات ميرزياەۆ بيلىككە كەلگەلى بەرى وتكەن العاشقى پارلامەنت سايلاۋى. 2016 جىلى يسلام كاريموۆ قايتىس بولعاننان كەيىن ونىڭ ورنىنا كەلگەن ميرزياەۆ ەلدە رەفورما جاساۋعا ۋادە بەرگەن. بىراق وپپوزيتسيا وكىلدەرى وزبەكستاندا ساياسي وزگەرىس جاساۋعا ميرزياەۆتىڭ باتىلى جەتپەي وتىر دەپ ەسەپتەيدى.

"The Qazaq Times"