فوتو: forbes.ru

كوكا-كولا سۋسىنى الەمگە كەڭ تاراعان برەند. عاسىردان اسا ۋاقىت وتسە دە، ساتىلىمنان قالعان ەمەس. باستابىندا ەمدىك ماقساتتا دايىندالعان سۋسىن، بۇگىنگى كۇندە دە سۇرانىسقا يە. 1886 جىلدىڭ ناۋرىز ايىندا اتلانتا قالاسىندا ماماندىعى فارماتسەۆت پولكوۆنيك دجون پەمبەرتون باس اۋرۋىن جازاتىن ءدارى تابۋعا تالپىنىس جاساپ، كارامەل ءتۇستى سيروپ قايناتتى. سۋسىنعا كوكا جاپىراعىنىڭ قايناتپاسىن، قانت جانە كوفەين قوسقاندا، سيروپ ءتاتتى ءارى قويۋ بولىپ شىقتى. پەمبەرتون ءوز تۋىندىسىن «دجەيكوبس» ءدارىحانالارى ارقىلى ساتتى.
كولانىڭ دارىلىك ءۇشىن جاسالعانىن بىلسەك تە، ونىڭ زيانىن كوبىرەك ەستيمىز. ۇلىبريتانيالىق دوننا گاننەر 20 جىل بويى تەك قانا كولانى سۋسىن رەتىندە پايدالانادى. سوڭىندا، سەمىزدىككە جانە قانتديابەتىنە شالدىعادى. ول وسىلايشا ەكسپەريمەنت جاساپ، گازدالعان، قانتتى سۋسىننىڭ دەنساۋلىققا زيان ەكەنىن دالەلدەگەن.
كولانىڭ قۇرامىنا قانت، كوكا اعاشىنىڭ جاڭعاعى، فوسفور قىشقىلى، كوفەين، كارامەل، كومiرقىشقىلى قوسىلادى. ونىڭ تۇسىنە پايدالاناتىن كوشەنيل قۇرتىنىڭ ەش زيانى جوق دەپ ەلدi سەندiرگىلەرى كەلسەدە، جۇرتتىڭ كۇمانىن تۋدىرادى. زەرتتەۋشىلەردىڭ ايتۋىنشا، بiر ستاكان كوكا-كولاعا سالىنعان كەسەك ەت بiراز ۋاقىتتان كەيiن ءبۇرiسiپ، كiشiرەيiپ كەتەدi ەكەن. دارiگەرلەردiڭ پايىمداۋىنشا، كوكا-كولا، اسiرەسە، بالالاردىڭ باس سۇيەگiنە، ويلاۋ قابiلەتتەرiنە وراسان زور زيان كەلتiرەدi. كولانى بالالاردىڭ ىشۋىنە تيىم سالعان ءجون. مەديتسينا عىلىمدارىنىڭ كانديداتى ايگۇل سىزدىقوۆا: "جاجدا-نيچتو، يميدج - ۆسە؟ كوكا-كولا: ۋگروزا دليا زدوروۆيا ناتسي" دەگەن ەڭبەگiندە كولانىڭ زيانى تۋرالى ەگجەي-تەگجەيلى جازعان. راۋشان كارىشالوۆانىڭ «Coca-Cola- حارام» دەگەن ماقالاسىندا كولاعا دوڭىزدىڭ ىشەك مايىن پايدالاناتىندىعى ايتىلادى، وسىنداي
پىكىردى مىسىر ەلىنىڭ «www. nawafnet.net» سايتىندا امەريكا قۇراما شتاتتارىندا 6 جىل تۇرىپ وسى سۋسىندى زەرتتەگەن مىسىرلىق دوكتور كاشعان دا راستايدى. قالاي بولعاندا دا كولانىڭ پايداسىنان گورى زيانى كوپ ەكەندىگى ايتىلادى.
قالاي بولعاندا دا كولانىڭ پايداسىنان گورى زيانى كوپتىگى ايتىلادى. كىمنىڭ قاي سۋسىندى ىشەتىنى ءوز ەركىندە. بىراق، ۇلت ساۋلىعى مەن ەل بولاشاعى ءۇشىن ساۋ دەنەلى ۇرپاقتىڭ ءوسۋى ماڭىزدى.

ءنۇرباتيما بايتۇرسىن

الماتى وبلىسى