اۋىر سانكتسيا جاعدايىندا وتىرعان رەسەي قىتايدان اسكەري جانە وزگە دە كومەك سۇراعانى تۋرالى مالىمەتتەر تارالۋدا. بۇنىڭ ءمانى قىتايدىڭ بۇعان دەيىن ۇستانعان «بەيتاراپتىلىق» ۇستانىمىن وزگەرتۋى مۇمكىن بە دەگەن سۇراققا ىلەسە اقپارات قۇرالدارى باسا نازار اۋدارىپ وتىر. رەسەيدىڭ قىتايدان كومەك سۇراعانى تۋرالى العاشقى مالىمەتتى اقش رەسميلەرى اقپارات قۇرالدارىنا مالىمەدى. امەريكالىق اقپارات قۇرالدارى مالىمەتتى راستاۋ ءۇشىن سول ەلدەگى قىتاي سۇراستىرعان، ولار مۇنداي مالىمەتتەن حابارى جوق ەكەنىن ايتقان.

رەسەي-ۋكراينا سوعىسىنا قاتىستى قىتاي «تەڭورتا» ساياساتىن ۇستانىپ كەلدى. رەسەيدىڭ ارەكەتىن «باسىپ الۋ» نەمەسە «شابۋىل» دەپ اتاعان ەمەس. سونىڭ وزىندە كوپ جاعدايدا بەيجىڭ ماسكەۋگە قولداۋ كورسەتىپ تۇرعانى ايقىندالعان ەدى. ال، باتىس سانكتسيالارى كەزىندە بەيجىڭ ماسكەۋدى قولداپ، اسكەري نەمەسە وزگە دە كومەك بەرۋى بۇل ءابسويۋتتى تۇردە رەسەيدىڭ شابۋىل ارەكەتىن قولداعان بولىپ سانالادى. دەمەك، قىتاي ءۇشىن بۇل شەشۋشى جاعداي دەۋگە بولادى.

اتى-ءجونىنى جاسىرعان امەريكالىق شەنەۋنىكتىڭ مالىمەتىنشە، ماسكەۋ تارابى قىتايدان اسكەري جابدىقتاۋ بويىنشا، اسىرەسە ۇشقىشسىز ۇشۋ قۇرىلعىلارىن بەرۋ تۋرالى ءوتىنىش جاساعان.

اقش رەسميلەرى رەسەيگە كومەك بەرەتىن بولسا قىتاي ءۇشىن بۇنىڭ «سالدارى اۋىر» بولاتىنىن، ءارى قىتايدىڭ ءوزى دە سانكتسيالىق قىسىمعا تاپ بولاتىنىن ەسكەرتىپ جاتىر.

ەڭ ماڭىزدىسى بۇنداي مالىمەت پەن ەسكەرتۋ قىتاي-اقش رەسميلەرىنىڭ ريمدە وتەتىن كەزدەسۋىنىڭ الدىندا جاسالىپ وتىر. بۇل كەزدەسۋ ۋركياناداعى سوعىس باستالعاننان بەرى قىتاي مەن اقش رەسميلەرىنىڭ العاشقى كەزدەسۋى جانە ۇستەلدەگى باستى تاقىرىپ ۋكراينا ماسەلەسى بولماق. ايتكەنمەن، قازىرگە دەيىن بەيجىڭ بۇل تۋرالى رەسمي مالىمدەمە تاراتقان جوق جانە جاۋاپ تا بەرمەدى.

بۇگىن، رەسەي مەن ۋكراينا اراسىندا سوعىس باستالعاننان بەرگى ءتورتىنشى رەتكى كەلىسسوز وتەدى. ءپۋتيننىڭ ءباسپاسوز وكىلى دميتري پەسكوۆ كەزەكتى ديالوگ ونلاين فورماتتا وتەتىنىن مالىمدەدى. كەلىسسوزگە پەسكوۆتىڭ ءوزى دە قاتىسادى.

The Qazaq Times