Auır sankciya jağdayında otırğan Resey Qıtaydan äskeri jäne özge de kömek swrağanı turalı mälimetter taraluda. Bwnıñ mäni Qıtaydıñ bwğan deyin wstanğan «beytaraptılıq» wstanımın özgertui mümkin be degen swraqqa ilese aqparat qwraldarı basa nazar audarıp otır. Reseydiñ Qıtaydan kömek swrağanı turalı alğaşqı mälimetti AQŞ resmileri aqparat qwraldarına mälimedi. Amerikalıq aqparat qwraldarı mälimetti rastau üşin sol eldegi Qıtay swrastırğan, olar mwnday mälimetten habarı joq ekenin aytqan.

Resey-Ukraina soğısına qatıstı Qıtay «teñorta» sayasatın wstanıp keldi. Reseydiñ äreketin «basıp alu» nemese «şabuıl» dep atağan emes. Sonıñ özinde köp jağdayda Beyjiñ Mäskeuge qoldau körsetip twrğanı ayqındalğan edi. Al, Batıs sankciyaları kezinde Beyjiñ Mäskeudi qoldap, äskeri nemese özge de kömek berui bwl absoyutti türde Reseydiñ şabuıl äreketin qoldağan bolıp sanaladı. Demek, Qıtay üşin bwl şeşuşi jağday deuge boladı.

Atı-jönini jasırğan amerikalıq şeneuniktiñ mälimetinşe, Mäskeu tarabı Qıtaydan äskeri jabdıqtau boyınşa, äsirese wşqışsız wşu qwrılğıların beru turalı ötiniş jasağan.

AQŞ resmileri Reseyge kömek beretin bolsa Qıtay üşin bwnıñ «saldarı auır» bolatının, äri Qıtaydıñ özi de sankciyalıq qısımğa tap bolatının eskertip jatır.

Eñ mañızdısı bwnday mälimet pen eskertu Qıtay-AQŞ resmileriniñ Rimde ötetin kezdesuiniñ aldında jasalıp otır. Bwl kezdesu Urkianadağı soğıs bastalğannan beri Qıtay men AQŞ resmileriniñ alğaşqı kezdesui jäne üsteldegi bastı taqırıp Ukraina mäselesi bolmaq. Äytkenmen, qazirge deyin Beyjiñ bwl turalı resmi mälimdeme taratqan joq jäne jauap ta bermedi.

Bügin, Resey men Ukraina arasında soğıs bastalğannan bergi törtinşi retki kelissöz ötedi. Putinniñ baspasöz ökili Dmitriy Peskov kezekti dialog onlayn formatta ötetinin mälimdedi. Kelissözge Peskovtıñ özi de qatısadı.

The Qazaq Times