40 ميلليارد دوللار: اقش-تان ۋكرايناعا قانداي قارۋ-جاراقتار بارا جاتىر؟

اقش پرەزيدەنتى جو بايدەن ۋكرايناعا 40 ميلليارد دوللار كولەمىندە كومەك بەرۋ جونىندەگى جاڭا قۇجاتقا قول قويدى. بۇل سومانىڭ تەڭ جارتىسىنان استامى (23,4 ملرد) اسكەري كومەككە ارنالعان، ال وزگەسى گۋمانيتارلىق كومەكتەردى قامتيدى.

رەسەي ارمياسىنىڭ العاشقى اۋقىمدى شابۋىلىن تويتارعاننان كەيىن ۋكراينا پرەزيدەنتى ۆولوديمير زەلەنسكي قارۋلى كۇشتەرىنە سوعىس ۇشاقتارى مەن وزگە دە تاسىمال تەحنيكالارى بەرىلگەن جاعدايدا رەسەي كۇشتەرىن جەڭىپ شىعاتىنىن ايتىپ، باتىس ەلدەرىنەن اسكەري كومەكتىڭ كولەمىن ارتتىرۋدى سۇراعان بولاتىن.

بۇعان دەيىن پەنتاگون ۋكرايناعا 332 ميلليون اقش دوللارى كولەمىندە اسكەري كومەك بەرگەنى تۋرالى جاريا ەتكەن بولاتىن. ءساۋىر ايىندا اقش ۋكرايناعا الىس قاشىقتىقتان نىسانانى جويۋعا قابىلەتتى ارتيللەريالىق قارۋلارمەن قاتار انتي-ارتيللەريالىق رادارلاردى دا بەرگەن ەدى. ماسكەۋ كوز كەزەگىندە اقش-تىڭ بۇل ارەكەتىن ايىپتاپ، ديپلوماتيالىق نوتا تاپسىرعان بولاتىن.

ال، قۇراما شتاتتار بايدەن قول قويعان جاڭا قۇجاتقا ساي بەرىلەتىن قارۋ-جاراقتىڭ تومەندەگىدەي ءتىزىمىن جاريا ەتتى.

قارۋ-جاراقتار                       سانى

Stinger زەنيتتىك جۇيەلەرى – 1400+;

Javelin تانككە قارسى قارۋ جۇيەسى – 5500+;

وزگە دە بروندالعان زەنيتتىك جۇيەلەر – 14 000+;

كوممۋتاتورلى درون جۇيەلەرى – 700+;

155 مم گاۋبيتسالارى – 90 دانا;

155 مم ارتيللەريالىق سناريادتارىنان – 200 000+;

155 مم گاۋبيتسالاردى الىپ جۇرەتىن تاكتيكالىق ماشينا – 72 دانا;

مي-17 تىكۇشاعى – 16 دانا;

شاعىن اتىس قارۋلارىنان – 7000+;

وقتار – 50 000 000 ;

ساۋىتتى كيىمدەر مەن دۋلىعالار – 75 000;

Phoenix Ghost تاكتيكالىق ۇشقىشسىز ۇشۋ جۇيەلەرىنەن – 121 دانا;

انتي-ارتيللەريالىق راداردان – 17 دانا;

كەڭىستىكتى باقىلاۋشى راداردان – 2 دانا;

لازەرمەن باسقارىلاتىن زىمىران جۇيەلەرى;

بۇدان تىس:

جۇزدەگەن كۇشەيتىلگەن جوعارى جىلدامدىقتى تالعامايتىن كولىكتەر;

200 دانا M113 ساۋىتتى ترانسپورتەرلەر;

Puma ۇشقىشسىز ۇشۋ جۇيەلەرى، جاعالاۋ باقىلايتىن جۇرگىزۋشىسىز قايىق;

M18A1 Claymore جاياۋ اسكەرىنىڭ وق-دارىلەرى;

كەدەرگىلەردى جويۋعا ارنالعان س-4 جارىلعىش جانە جويعىش جابدىق;

تاكتيكالىق قاۋىپسىز بايلانىس جۇيەلەرى;

تۇنگى كورۋ قۇرىلعىلارى، تەپلوۆيزورلار، وپتيكا جانە لازەرلىك قاشىقتىق ولشەگىشتەر;

كوممەرتسيالىق سپۋتنيكتىك بەينەلەۋ قىزمەتتەرى;

جارىلعىش زاتتاردى زالالسىزداندىرۋعا ارنالعان قورعانىس قۇرالدارى;

حيميالىق، بيولوگيالىق، راديولوگيالىق، يادرولىق قارۋدان قورعاۋ قۇرالدارى;

العاشقى مەديتسينالىق كومەك كورسەتۋ قۇرالدارىن قامتىعان مەديتسينالىق كەرەك-جاراقتار;

ەلەكتروندىق بلوكتاۋ جابدىقتارى;

دالا جابدىقتارى جانە قوسالقى بولشەكتەر.

The Qazaq Times