ەۋرووداق رەسەي مەن قىتاي اقپارات قۇرالدارىن ايىپتادى. فوتو; VOA.

رەسەي مەن قىتاي اقپارات قۇرالدارى مەن باتىستىق اقپارات قۇرالدارى اراسىندا سۇراپىل اقپارات سوعىسى ءجۇرىپ جاتىر. اقپارات سوعىسىنىڭ بۇل داۋىلى كوروناۆيرۋسقا قارسى ۆاكتسينالار تۋرالى مالىمەتتەردى قۇيىنداي ءۇيىرىپ ءجۇر. ەكى كۇن بۇرىن ەۋروپا وداعى قىتاي مەن رەسەي اقپارات قۇرالدارىن ايىپتاپ، باتىس ەلدەرىنىڭ ۆيرۋسقا قارسى ۆاكتسينالارى تۋرالى مالىمەتتەردى بۇرمالادى دەدى.

ەو مالىمەتىنە قاراعاندا، بىلتىر جەلتوقساننان بيىل ساۋىرگە ءدايىن رەسەي مەن قىتاي اقپارات قۇرالدارى باتىس ەلدەرىنىڭ ۆاكتسينالارۋ تۋرالى بىرنەشە تىلدە جالعان اقپارات تاراتىپ كەلگەن. بۇل ارقىلى اتالعان ەلدەر باتىستىق ۆاكتسينانىڭ قاۋىپسىزدىگى تۋرالى الاڭداۋشىلىق تۋعىزدى دەلىنگەن مالىمدەمەدە. سونداي-اق، قىتاي مەن رەسەي اقپارات قۇرالدارى وسى ارقىلى وتاندىق ۆاكتسينانىڭ ارتىقشىلىعىن ناسيحاتتاعان.

ەو-نىڭ مۇنداي مالىمدەمەسى «جاڭا ءتاج ەپيدەمياسىننا قاتىستى جالعان اقپاراتتار مەن وقيعالار تۋرالى ارنايى باعالاۋ ەسەبى» بويىنشا جاريالانعان. بۇل ەسەپتى ەۋرووداقتىڭ سىرتقى ءىس-قيمىل اگەنتتىگىنە قاراستى جالعان اقپارات ءۇشىن جاۋاپتى ءبولىمى جاساعان.

ايتا كەتۋ كەرەك، اقپارات سوعىسى ءبىر تاراپتى بولىپ جاتقان جوق. ءوز كەزەگىندە باتىستىق اقپارات قۇرالدارى دا رەسەي مەن قىتايدىڭ كەيبىر ارەكەتتەرىنە، ساياسي قادامدارىنا قاتىستى قارقىندى اقپاراتتىق سوققى بەرىپ كەلەدى.

“The Qazaq Times”