Euroodaq Resey men qıtay aqparat qwraldarın ayıptadı. Foto; VOA.

Resey men Qıtay aqparat qwraldarı men batıstıq aqparat qwraldarı arasında swrapıl aqparat soğısı jürip jatır. Aqparat soğısınıñ bwl dauılı koronavirusqa qarsı vakcinalar turalı mälimetterdi qwyınday üyirip jür. Eki kün bwrın Europa odağı Qıtay men Resey aqparat qwraldarın ayıptap, Batıs elderiniñ virusqa qarsı vakcinaları turalı mälimetterdi bwrmaladı dedi.

EO mälimetine qarağanda, bıltır jeltoqsannan biıl säuirge dayin Resey men Qıtay aqparat qwraldarı Batıs elderiniñ vakcinalaru turalı birneşe tilde jalğan aqparat taratıp kelgen. Bwl arqılı atalğan elder batıstıq vakcinanıñ qauipsizdigi turalı alañdauşılıq tuğızdı delingen mälimdemede. Sonday-aq, Qıtay men Resey aqparat qwraldarı osı arqılı otandıq vakcinanıñ artıqşılığın nasihattağan.

EO-nıñ mwnday mälimdemesi «Jaña täj epidemiyasınna qatıstı jalğan aqparattar men oqiğalar turalı arnayı bağalau esebi» boyınşa jariyalanğan. Bwl esepti Euroodaqtıñ Sırtqı is-qimıl agenttigine qarastı jalğan aqparat üşin jauaptı bölimi jasağan.

Ayta ketu kerek, aqparat soğısı bir taraptı bolıp jatqan joq. Öz kezeginde batıstıq aqparat qwraldarı da Resey men Qıtaydıñ keybir äreketterine, sayasi qadamdarına qatıstı qarqındı aqparattıq soqqı berip keledi.

“The Qazaq Times”