قازاقستان حالقى بىلتىر 1,32%-عا نەمەسە 245 مىڭ ادامعا وسكەن. ۇلتتىق ستاتيستيكا بيۋروسىنىڭ دەرەگىنشە, بۇل الدىڭعى جىلدىڭ كورسەتكىشىنەن ءسال ارتىق: ۇزاق جىلدار بويى بيلىك ەتكەن پرەزيدەنت دە-يۋرە اۋىسقان 2019 جىلى حالىق سانى 1,29%-عا، ياعني 236 مىڭ ادامعا كوبەيگەن ەدى.
بيىل 1 قاڭتارعا قاراي قازاقستان حالقىنىڭ جالپى سانى 18 ملن 877 مىڭ ادامعا جەتتى. بىلتىر ادەتتەگىدەي ەلوردا ءوسىمى قارقىندى ءجۇردى – ءبىر جىلدا جۇرت 4,25%-عا (2019 ج. 5,34% بولعان – QT) يا 48,3 مىڭ ادامعا قالىڭدادى. رەسمي ەسەپكە سەنسەك، قازىر 1 ملن 184 مىڭ استانالىق بار.
ەكىنشى ورىندا شىمكەنت قالاسى 3,47%-بەن (1 ملن 074 مىڭ تۇرعىن), ۇشتىكتى الماتى 3,14% (1 ملن 977 مىڭ تۇرعىن) كورسەتكىشپەن تۇيىندەگەن.
باتىس وڭىرلەرى دە حالىق سانىنىڭ ءوسۋ قارقىنى بويىنشا جوعارى ناتيجەسىن ساقتاپ تۇر. بىلتىر ەل حالقى ماڭعىستاۋ وبلىسىندا 2,97%، اتىراۋ وبلىسىندا 1,83%، اقتوبە وبلىسىندا 1,36% جانە بقو-دا 0,66% - عا ءوستى.
الايدا وزگە التى ايماقتا حالىق سانى كەمىگەن: سقو 0,93%، قوستاناي 0,46%، شقو 0,43% – عا، اقمولا 0,17%، پاۆلودار 0,15%، قاراعاندى وبلىستارى 0,08% تەرىس ءماندى كورسەتكەن. مۇندا تەك سقو حالقى تابيعي تۇردە كەمىگەنىن ايتۋ كەرەك. بۇل جاڭا تۋعان ادامنىڭ سانىنان قايتىس بولعاندار ەسەبى اسىپ تۇسكەنىن بىلدىرەدى. باسقا وڭىرلەردە تابيعي ءوسىم بايقالادى.
سونىمەن قوسا، الەمدىك پاندەميا سەبەبىنەن قازاقستاننان كەتەتىندەردىڭ كوشى-قون اعىنى ايتارلىقتاي ازايعان. 2019 جىلى 33 مىڭ ادام كەتسە، بىلتىر 17,7 مىڭ ادام قونىس اۋدارعان. حالىقتىڭ الدىڭعى جىلعا قاراعاندا ەلەۋلى دەڭگەيدە ءوسۋىن تاپ وسى ميگراتسيا اعىنىڭىن توسىرقاۋىمەن بايلانىستىرۋعا بولادى.
قازاقستانداعى قالا حالقىنىڭ ۇلەسى 59,1% جانە اۋىل حالقىنىڭ ۇلەسى 40,9%-دى كورسەتكەن. بۇدان قالا جۇرتىنىڭ 1,93%-عا (2019 جىلى 1,83%), اۋىل تۇرعىندارىنىڭ 0,45%-عا (2019 ج. 0,53%) ارتقانىن اڭعارۋعا بولادى.
جوعارىدا كورسەتىلگەن دەرەكتەر تەك رەسمي ەسەپكە الۋ نەگىزىندە جۇرگىزىلەتىندەكتەن، شىنايى جاعدايدىڭ تولىقتاي كورىنىسى بولا الماۋى مۇمكىن ەكەنىن ەسكەرتەمىز. ەشقانداي تىركەۋسىز ۋاقىتشا كەلىپ قىزمەت ەتەتىن ازاماتتاردىڭ از ەمەستىگىن ەسكەرسەك، شىنايى احۋال وزگەشە ەكەنىن باعامداۋ قيىن ەمەس.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟